اتالعان ءىس-شاراعا اۋدان اكىمىنىڭ ورىنباسارى مارات سەيتىمبەتوۆ، اۋداننىڭ ىشكى ساياسات ءبولىمىنىڭ باسشىسى الديار قوزىبايەۆ، وبلىستىق جاستار رەسۋرستىق ورتالىعىنىڭ باسشىسى بەرەكە دۇيسەبەكوۆ، سارىاعاش جاستار رەسۋرستىق ورتالىعىنىڭ باسشىسى قانات يماتوۆ جانە وبلىستىق، اۋداندىق تەلەارنالار تىلشىلەرى قاتىستى.
ءىس-شارا بارىسىندا اقپاراتتىق توپ قۇركەلەس اۋىلدىق وكرۋگىندە ورنالاسقان «Fresboom»، «ZIZI» ساعىز ونىمدەرىن وندىرەتىن زاۋىت جاستارىنىڭ جۇمىسىمەن، سارىاعاش قالاسىنداعى تابىستى جاس كاسىپكەردىڭ جۇمىسىمەن جانە جاستارعا ارنالعان وقۋ ورتالىعىنىڭ جۇمىسىمەن تانىستى.
ءىس-شارا بارىسىندا اقپاراتتىق توپ مۇشەلەرى جىبەك جولى اۋىلدىق وكرۋگىندە وتكەن «ىنتىماق، بىرلىك، كەلىسىم – ەڭ اسىل باقىت ەل ءۇشىن» اتتى وزگە ۇلت وكىلدەرىنىڭ فورۋمىنا قاتىسىپ، قاتىسۋشىلارعا ىزگى تىلەكتەرىن ءبىلدىرىپ، العىس حاتتار مەن ماراپاتتار ۇسىنىلدى.
سوىنمەن قاتار سارىاعاش قالاسى، قاپلانبەك اگرارلىق-تەكنيكالىق كوللەدجىندە ارناۋلى ورتا وقۋ ورىندارىنىڭ ستۋدەنت قىزدارى اراسىندا سپورتتىڭ ۆولەيبول تۇرىنەن جارىس بولسا، سارىاعاش قالاسىندا ورنالاسقان سپورت كەشەنىندە سپورتتىڭ كىشى فۋتبول تۇرىنەن «ستۋدەنتتىك ليگا» ويىندارى ۇيىمداستىرىلدى. بۇل جارىستا سارىاعاش اۋدانى مەن كەلەس اۋداننىڭ جاستارىدا باقتارىن سىنادى. جارىستى تاماشالاۋعا، جاس قىزداردىڭ تالانتىن كورۋگە، جاستارعا قولداۋ كورسەتۋگە سارىاعاش اۋدانىنىڭ اكىمى قايرات ابدۋالييەۆ، وبلىستىق جاستار رەسۋرتىق ورتالىعىنىڭ باسشىسى ب.دۇيسەبەكوۆ ارنايى قاتىستى.
جارىس سوڭىندا اۋدان باسشىسى جاستارعا ومىردە ساتتىلىك تىلەپ، الداعى جارىستاردا بيىك بەلەستەردەن كورىنۋىنە تىلەكتەستىك ءبىلدىرىپ، جارىستى قورىتىندىلاپ جەڭىپازداردى ماراپاتتادى.
«Dalanews» اقپارات
