كەزدەسۋدە دارحان قۋاندىق ۇلى مەملەكەت باسشىسىنا مينيسترلىك اتقارىپ جاتقان جۇمىستىڭ نەگىزگى باعىتتارى تۋرالى باياندادى.
ءوز كەزەكگىندە ۆەدموستۆا باسشىسى پرەزيدەنتكە مينيسترلىكتىڭ اقپارات، قوعامدىق دامۋ، ءدىن جانە ەتنوسارالىق قاتىناستار، ازاماتتىق سەكتور، سونداي-اق جاستار جانە وتباسى ساياساتىن جۇزەگە اسىرۋ باعىتىندا اتقارىپ جاتقان جۇمىستارى جونىندە ايتتى.
سونىمەن قاتار مينيسترلىك وتاندىق تەلەسەريالدار ءوندىرىسى كولەمىن ۇلعايتىپ، ولاردى شەتەلگە تاراتۋعا، مەديا ساۋاتتىلىقتى ارتتىرۋعا، سونداي-اق ازاماتتىق قوعاممەن ءوزارا قارىم-قاتىناستى جانداندىرۋعا ايرىقشا ءمان بەرۋدە.
مەملەكەت باسشىسى مينيسترلىك ازاماتتىق قوعام ينستيتۋتتارىمەن بارلىق دەڭگەيدەگى بايلانىستى كۇشەيتىپ، ءار سالاداعى وزەكتى ماسەلەلەردى قوعاممەن كەڭ كولەمدە تالقىلاۋعا اشىق بولۋى قاجەت ەكەنىن اتاپ ءوتتى.
قاسىم-جومارت توقايەۆ دارحان قىدىرالىگە جاستار ساياساتىنا قاتىستى باعدارلامالاردى ءتيىمدى جۇزەگە اسىرۋدى، ءدىني بىرلەستىكتەر مەن ەتنوسارالىق قارىم-قاتىناس باعىتىن ايرىقشا نازاردا ۇستاۋدى تاپسىردى.
