اقمولا وبلىسىندا كٶكپار ويىنى كەزٸندە 13 جاستاعى دٸنمۇحاممەدتٸڭ قازا بولۋىنا بايلانىستى قوزعالعان قىلمىستىق ٸس توقتاتىلدى. تەرگەۋ ورگاندارى بولعان جاعدايدى جازاتايىم وقيعا دەپ تانىپ, ٸس ماتەريالدارىنان قىلمىستىق قۇقىقبۇزۋشىلىق قۇرامىن انىقتاماعان. الايدا مارقۇمنىڭ تۋىستارى بۇل شەشٸممەن كەلٸسپەي وتىر, دەپ حابارلايدى dalanews.kz.
Halyqstan مەلٸمەتٸنشە, ايعىلى وقيعا 26 مامىردا تسەلينوگراد اۋدانىنا قاراستى قابانباي باتىر اۋىلىندا بولعان. سول كٷنٸ دٸنمۇحاممەد كٶكپار جاتتىعۋىنا بارعان.
تۋىستارىنىڭ ايتۋىنشا, ويىن كەزٸندە جاسٶسپٸرٸم قارسىلاس كومانداعا سەركەنٸ بەرمەۋگە تىرىسقان. وسى سەتتە قارسىلاس ويىنشىلاردىڭ بٸرٸ قاتتى جىلدامدىقپەن كەلٸپ, ونىڭ اتىنا بٷيٸرٸنەن سوعىلعان. سوقتىعىس سالدارىنان دٸنمۇحاممەد جەرگە قۇلاپ, اۋىر جاعدايدا اۋرۋحاناعا جەتكٸزٸلگەن. الايدا دەرٸگەرلەر ونىڭ ٶمٸرٸن ساقتاپ قالا المادى.
مارقۇمنىڭ تۋىستارى بالانىڭ ٶلٸمٸنە جاي عانا اتتان قۇلاۋ سەبەپ بولدى دەگەن نۇسقاعا كٷمەن كەلتٸرەدٸ. دٸنمۇحاممەدتٸڭ تەتەسٸنٸڭ مەلٸمدەۋٸنشە, سوت-مەديتسينالىق ساراپتاما قورىتىندىسىندا دەنساۋلىققا اۋىر زييان "قاتتى دوعال زاتتاردىڭ ەسەرٸنەن" كەلتٸرٸلگەنٸ جازىلعان. الايدا جاراقاتتاردىڭ اتتان قۇلاۋ سالدارىنان بولعانى كٶرسەتٸلمەگەن.
"بالانىڭ باسىنان اۋىر جاراقات العان, جۇلىنى زاقىمدانىپ, موينى سىنعان. اتتان قۇلاعان كەزدە وسىنداي جاراقات الۋى مٷمكٸن بە? قۇلاپ بارا جاتقان ادام ينستينكتيۆتٸ تٷردە قورعانىپ, دەنەسٸن جيناۋعا تىرىسادى. بٸز اتتان قۇلادى دەگەن نۇسقاعا سەنبەيمٸز. سۇراعىمىز ٶتە كٶپ, بٸراق ەشكٸم جاۋاپ بەرمەي وتىر", - دەپ جازدى مارقۇمنىڭ تەتەسٸ Threads پاراقشاسىندا.
تۋىستارى دٸنمۇحاممەد ٶمٸرگە قاۋٸپتٸ جاراقاتتاردى ەر-توقىمدا وتىرعان كەزٸندە, قارسىلاس ويىنشىنىڭ سوققىسىنان الدى دەپ ەسەپتەيدٸ. ولاردىڭ سٶزٸنشە, اۋداندىق پوليتسييا بٶلٸمٸ مەن وبلىستىق پروكۋراتۋرا ادام ٶلٸمٸ دەرەگٸ بويىنشا قىلمىستىق ٸس قوزعاعانىمەن, شامامەن ەكٸ ايدان كەيٸن تەرگەۋ توقتاتىلعان.
مارقۇمنىڭ جاقىندارى ويىن كەزٸندە بولعان سوقتىعىستىڭ مەن-جايى تولىق زەرتتەلمەدٸ دەپ سانايدى. ولار ٸستٸڭ نەلٸكتەن قىسقا مەرزٸم ٸشٸندە جابىلعانىن جەنە وقيعانىڭ قانداي دەلەلدەر نەگٸزٸندە جازاتايىم جاعداي رەتٸندە باعالانعانىن تٷسٸندٸرۋدٸ تالاپ ەتٸپ وتىر.
