اقمولا وبلىسىندا بيۋدجەت قارجىسىن جىمقىرعان مادەنيەت ءۇيىنىڭ باسشىسى سوتتالدى، دەپ حابارلايدى Dalanews.kz.
اقمولا وبلىسىنىڭ پروكۋراتۋراسى استراحان اۋداندىق مادەنيەت ۇيىندە جۇرگىزىلگەن تەكسەرىس بارىسىندا زاڭسىز ەڭبەكاقى تولەۋ دەرەكتەرىن اشكەرەلەدى.
2022–2024 جىلدارى مەكەمە باسشىسى ورىندالماعان جۇمىستار ءۇشىن ءۇشىنشى تۇلعالارعا نەگىزسىز جالاقى ەسەپتەپ، 2،6 ملن تەڭگە بيۋدجەت قارجىسىن تالان-تاراجعا سالعان.
سوت ۇكىمىمەن اۋداندىق مادەنيەت ءۇيىنىڭ بۇرىنعى باسشىسى سەنىپ تاپسىرىلعان بوتەن مۇلىكتى ىسىراپ ەتكەنى ءۇشىن كىنالى دەپ تانىلدى.
مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايىرىلىپ، باس بوستاندىعىنان ايىرۋ جازاسىنا كەسىلدى.
مەملەكەتتىك ايىپتاۋشى سوتتا كىنانى تولىق دالەلدەدى.
