اۋدان اكىمىنىڭ حابارلاۋىنشا، اۋدان بيۋدجەتى 6 ملرد 669 ملن تەڭگەگە بەكىتىلىپ، بيۋدجەت كولەمى 7 ملرد. 955 ملن تەڭگەگە ناقتىلاندى. جەرگىلىكتى سالىق ءتۇسىمى 1 ملرد 1049 ملن تەڭگە جوسپارلانىپ، ەسەپتى مەرزىمدە 803،4 ملن. تەڭگە سالىق ءتۇسىمى جيناقتالىپ، جوسپار 98،9 پايىزعا ورىندالدى.
ونەركاسىپ ءونىمىنىڭ كولەمى 8 ايدىڭ قورىتىندىسى بويىنشا 1313،8 ملن. تەڭگەنى، ال نەگىزگى كاپيتالعا سالىنعان ينۆەستيسيا كولەمى 7 ايدا 640،8 ملن. تەڭگەنى قۇرادى.
ەكونوميكاسى مال شارۋاشىلىعىنا نەگىزدەلگەن اۋداندا ءىرى قارا 83،1 مىڭ، ۇساق مال 257،7 مىڭ، جىلقى 32،0 مىڭ باسقا جەتتى. «سىباعا» مەملەكەتتىك باعدارلاماسى بويىنشا بيىل 7 شارۋا قوجالىعى 153،4 ملن. تەڭگە، «قۇلان» باعدارلاماسى بويىنشا 3 شارۋا قوجالىعى 95،0 ملن. تەڭگە نەسيەگە قول جەتكىزدى. قازىرگى تاڭدا اۋدان بويىنشا ءىرى قارا وسىرەتىن 30، جىلقى مالىن 6، قوي وسىرەتىن 2 اسىل تۇقىمدى شارۋاشىلىقتار بار. اعىمداعى جىلدىڭ اياعىنا دەيىن ءار اۋىلدىق وكرۋگتە مال بورداقىلايتىن كووپەراتيۆ قۇرۋ باعىتىندا جۇمىستار جۇرگىزىلۋدە.
2017 جىلى 840 گا ەگىس القابىنا كارتوپ، كوكونىس-باقشا داقىلدارى ەگىلىپ، سونىڭ ىشىندە 36 گا القاپقا تامشىلاتىپ سۋارۋ ءادىسى قولدانۋدا. سونىمەن قاتار، المالى اۋىلدىق وكرۋگىندە «مۇنايكونتاكت» ءجشس-ى 9 گەكتار جەرگە تامشىلاتىپ سۋارۋ ءادىسىن قولدانىپ، الما باعىن وتىرعىزدى.
جالپى اۋدان بويىنشا كوممۋنالدىق مەنشىكتە 24-كولتابان، 11-كانال، 2-سۋ قويماسى بار. اعىمداعى جىلى وبلىستىق بيۋدجەتتەن 37،5 ملن تەڭگە ءبولىنىپ، قاشكەن، اششى-ازىناباي-تايپاق، ازىناباي-تايپاق، توعىز، قوس-جۇگەن سۋلاندىرۋ كانالدارى، № 53 كولتابان جانە اششى وزەنىندەگى اياق سۋ قويماسىنىڭ ءتيىستى قۇجاتتامالارىن جاساقتاۋ ماقساتىندا جۇمىستار جۇرگىزىلۋدە، ۇستىمىزدەگى ايدىڭ اياعىنا دەيىن قۇجاتتار تولىق راسىمدەلۋى اياقتالادى.
اۋىلشارۋاشىلىق جەرلەرىن ەكونوميكالىق اينالىمعا ەنگىزۋ ماقساتىندا 2016 جىلى ماقساتتى پايدالانباعان 24 شارۋا قوجالىعى 29655 گا جەر مەملەكەت مەنشىگىنە قايتارىلعان بولسا، 2017 جىلى 5 شارۋاشىلىق سۋبەكتىسىنىڭ ماقساتتى تۇردە پايدالانباعان 11506 گەكتار جەرى مەملەكەت مەنشىگىنە قايتارىلدى.
اۋدان بويىنشا شاعىن جانە ورتا كاسىپكەرلىكتە1735 سۋبەكت بار جانە ولاردا 3132 ادام ەڭبەك ەتۋدە. جىل باسىنان بەرى شاعىن جانە ورتا كاسىپكەرلىك سالاسىندا 4 نىسان ىسكە قوسىلدى. (حالىققا قىزمەت كورسەتۋ، قوعامدىق تاماقتانۋ ورىندارى، جانار-جاعارماي قۇيۋ جانە اۆتوكولىك جوندەۋ بەكەتى). اۋداندا كاسىپكەرلىك اياسىن كەڭەيتىن ورال-اتىراۋ تاس جولى بويىنداعى بۋدارين اۋىلدىق وكرۋگى اۋماعىندا جالپى جوبا قۇنى 30 ملن. تەڭگەنى قۇرايتىن 50 باسقا ارنالعان تاۋارلى ءسۇت فەرماسى، اقجول اۋىلدىق وكرۋگىندە 150 باس ءىرى قاراعا ارنالعان مال بورداقىلاۋ الاڭى، العاباس اۋىلدىق وكرۋگىندە 3000 باسقا ارنالعان مال بورداقىلاۋ الاڭى سالىنۋدا. اۋدان ورتالىعىندا تاۋلىگىنە 1400 باس ۇساق مال سوياتىن «باتىسماركالامب» ءجشس-نىڭ ەت كومبيناتى جانە كۇنىنە 50 باس ءىرى قارا مالىن سوياتىن «باتىسنىق» ءجشس-نىڭ ەت وڭدەۋ كومبيناتى جۇمىس جاساپ كەلەدى.
اۋدان بويىنشا قازىرگى تاڭدا 52 ەلدى-مەكەننىڭ 78،7% تازا اۋىز سۋمەن قامتىلىپ وتىر. بيىل تازا سۋمەن قامتۋ 12 ەلدى-مەكەندە “تازا سۋ” باعدارلاماسىمەن، 7 ەلدى-مەكەندە “اقبۇلاق” باعدارلاماسى ارقىلى جۇزەگە اسىرىلدى. كەلەسى جىلى 13 اۋىلدى تازا اۋىز سۋعا قوسۋ ءۇشىن جوبالىق-سمەتالىق قۇجاتتاماسىن اياقتاپ، ولارعا سۋ تارتۋدى جوسپارلانىپ وتىر. سونىمەن بىرگە، قازىرگى تاڭدا اۋدان تۇرعىندارىنىڭ 94،0% تابيعي گازبەن قامتىلىپ وتىر. بيىل بيۋدجەتتەن 680،0 ملن. تەڭگە قاراجات ءبولىنىپ، 2017-2018 جىلدارعا جوسپارلانعان اۋداننىڭ 11 ەلدىمەكەنىنە (جامبىل، ۇشتوبە، بىتىك، تەگىسجول، جاڭاجول، قاراعاي، توعان، سارمان، بيتىلەۋ، اقبۇلاق، ەسىم اۋىلدارىنا) تابيعي گاز قۇبىرىن تارتۋ جۇمىستارى جۇرگىزىلىپ جاتىر. اتالمىش جۇمىستار اياقتالعان سوڭ اۋدان حالقىن كوگىلدىر وتىنمەن قامتۋ كورسەتكىشى 98،3 پايىزدى قۇرايتىن بولادى.
سونىمەن قاتار «نۇرلى جەر» باعدارلاماسى بويىنشا رەسپۋبليكالىق جانە وبلىستىق بيۋدجەتتەن 65،5 ملن.تەڭگە قاراجات ءبولىنىپ، چاپايەۆ جانە تايپاق اۋىلدارىندا 6 ەكى پاتەرلى، ءبىر قاباتتى، 660 شارشى مەتردى قۇرايتىن تۇرعىن ءۇي قۇرىلىسى جۇرگىزىلۋدە جانە اتالعان تۇرعىن ۇيلەرگە ينجەنەرلىك ينفراقۇرىلىمىن جۇرگىزۋگە 7،5 ملن.ت قاراجات ءبولىندى. سونداي-اق جەرگىلىكتى بيۋدجەت ارقىلى 48،6 ملن.ت قاراجاتقا ەسەنساي، العاباس، بازارشولان، بۋدارين، قۇرايلىساي جانە كونەككەتكەن اۋىلدارىندا 1 قاباتتى 1 پاتەرلى كوممۋنالدىق تۇرعىن ءۇي قۇرىلىسى سالىنۋدا. بۇل جۇمىستاردى ودان ءارى جالعاستىرۋ ماقساتىندا 2018 جىلى اۋدان ورتالىعىندا 3 قاباتتى 24 پاتەرلى تۇرعىن ءۇي قۇرىلىسىن سالۋ جوسپاردا بار. قازىرگى ۋاقىتتا اتالمىش تۇرعىن ءۇي قۇرىلىسى ءۇشىن جوبالاۋ-سمەتالىق قۇجاتتاما دايىندالۋدا. جالپى، اۋدان بويىنشا 66 كوپپاتەرلى تۇرعىن ءۇيدىڭ 11ء-ى «وڭىرلەردى دامىتۋ» باعدارلاماسى بويىنشا جوندەلدى.
حالىقتى تۇراقتى جۇمىسپەن قامتۋ سالاسىندا 8 ايدا 809 جاڭا جۇمىس ورنى اشىلدى. الەۋمەتتىك جۇمىس ورىندارى بويىنشا 8 ايدا 139 ادام شارۋا قوجالىقتارى مەن جەكە كاسىپكەرلەرگە جۇمىسقا جولداندى. «جاستار تاجىريبەسى» باعدارلاماسى بويىنشا 72 جاس مامان جولدانىپ، ولاردىڭ 13ء-ى تۇراقتى جۇمىسقا ورنالاستى. «ديپلوممەن اۋىلعا» باعدارلاماسى اياسىندا جىل باسىنان 98 مامان سۇرانىس بەرىپ، ەسەپتى مەرزىمدە 69 مامانعا 10،9 ملن. تەڭگە كوتەرمە جاردەماقى جانە 40 مامانعا 124،3 ملن. تەڭگە بيۋدجەتتىك نەسيە بەرىلدى. سۇرانىسقا وراي ءالى دە 29 مامانعا 90 ملن. تەڭگەدەي قارجى قاجەت.
جىل باسىنان بەرى 3 رەت وتكىزىلگەن بوس جۇمىس ورىندارىنىڭ جارمەڭكەسى ناتيجەسىندە 166 ادامنىڭ 126-ى جۇمىسقا ورنالاستى. سونىمەن بىرگە، 8 اي ىشىندە 27 مۇگەدەك جان جۇمىسقا ورنالاستى. كۇنى بۇگىنگە 257 ادام جۇمىسسىز رەتىندە تىركەلىپ، جۇمىسسىزدىق دەڭگەيى 1% قۇرادى.
بريفينگ بارىسىندا اقجايىق اۋدانىنىڭ اكىمى اۋدان بويىنشا كادر جەتىسپەۋشىلىگى ءبىلىم بەرۋ سالاسىندا 22 مامان جانە دەنساۋلىق ساقتاۋ سالاسىندا 3 ماماندى قۇرايتىنىن ءمالىم ەتتى.
اكجايىك اۋدانى
