Aýdan ákiminiń habarlaýynsha, aýdan búdjeti 6 mlrd 669 mln teńgege bekitilip, búdjet kólemi 7 mlrd. 955 mln teńgege naqtylandy. Jergilikti salyq túsimi 1 mlrd 1049 mln teńge josparlanyp, esepti merzimde 803,4 mln. teńge salyq túsimi jınaqtalyp, jospar 98,9 paıyzǵa oryndaldy.
Ónerkásip óniminiń kólemi 8 aıdyń qorytyndysy boıynsha 1313,8 mln. teńgeni, al negizgi kapıtalǵa salynǵan ınvestısıa kólemi 7 aıda 640,8 mln. teńgeni qurady.
Ekonomıkasy mal sharýashylyǵyna negizdelgen aýdanda iri qara 83,1 myń, usaq mal 257,7 myń, jylqy 32,0 myń basqa jetti. «Sybaǵa» memlekettik baǵdarlamasy boıynsha bıyl 7 sharýa qojalyǵy 153,4 mln. teńge, «Qulan» baǵdarlamasy boıynsha 3 sharýa qojalyǵy 95,0 mln. teńge nesıege qol jetkizdi. Qazirgi tańda aýdan boıynsha iri qara ósiretin 30, jylqy malyn 6, qoı ósiretin 2 asyl tuqymdy sharýashylyqtar bar. Aǵymdaǵy jyldyń aıaǵyna deıin ár aýyldyq okrýgte mal bordaqylaıtyn kooperatıv qurý baǵytynda jumystar júrgizilýde.
2017 jyly 840 ga egis alqabyna kartop, kókónis-baqsha daqyldary egilip, sonyń ishinde 36 ga alqapqa tamshylatyp sýarý ádisi qoldanýda. Sonymen qatar, Almaly aýyldyq okrýginde «MunaıKontakt» JSHS-i 9 gektar jerge tamshylatyp sýarý ádisin qoldanyp, alma baǵyn otyrǵyzdy.
Jalpy aýdan boıynsha komýnaldyq menshikte 24-kóltaban, 11-kanal, 2-sý qoımasy bar. Aǵymdaǵy jyly oblystyq búdjetten 37,5 mln teńge bólinip, Qashken, Ashy-Azynabaı-Taıpaq, Azynabaı-Taıpaq, Toǵyz, Qos-Júgen sýlandyrý kanaldary, № 53 kóltaban jáne Ashshy ózenindegi Aıaq sý qoımasynyń tıisti qujattamalaryn jasaqtaý maqsatynda jumystar júrgizilýde, ústimizdegi aıdyń aıaǵyna deıin qujattar tolyq rásimdelýi aıaqtalady.
Aýylsharýashylyq jerlerin ekonomıkalyq aınalymǵa engizý maqsatynda 2016 jyly maqsatty paıdalanbaǵan 24 sharýa qojalyǵy 29655 ga jer memleket menshigine qaıtarylǵan bolsa, 2017 jyly 5 sharýashylyq sýbektisiniń maqsatty túrde paıdalanbaǵan 11506 gektar jeri memleket menshigine qaıtaryldy.
Aýdan boıynsha shaǵyn jáne orta kásipkerlikte1735 sýbekt bar jáne olarda 3132 adam eńbek etýde. Jyl basynan beri shaǵyn jáne orta kásipkerlik salasynda 4 nysan iske qosyldy. (halyqqa qyzmet kórsetý, qoǵamdyq tamaqtaný oryndary, janar-jaǵarmaı quıý jáne avtokólik jóndeý beketi). Aýdanda kásipkerlik aıasyn keńeıtin Oral-Atyraý tas joly boıyndaǵy Býdarın aýyldyq okrýgi aýmaǵynda jalpy joba quny 30 mln. teńgeni quraıtyn 50 basqa arnalǵan taýarly sút fermasy, Aqjol aýyldyq okrýginde 150 bas iri qaraǵa arnalǵan mal bordaqylaý alańy, Alǵabas aýyldyq okrýginde 3000 basqa arnalǵan mal bordaqylaý alańy salynýda. Aýdan ortalyǵynda táýligine 1400 bas usaq mal soıatyn «BatysMarkaLamb» JSHS-niń et kombınaty jáne kúnine 50 bas iri qara malyn soıatyn «BatysNyq» JSHS-niń et óńdeý kombınaty jumys jasap keledi.
Aýdan boıynsha qazirgi tańda 52 eldi-mekenniń 78,7% taza aýyz sýmen qamtylyp otyr. Bıyl taza sýmen qamtý 12 eldi-mekende “Taza sý” baǵdarlamasymen, 7 eldi-mekende “Aqbulaq” baǵdarlamasy arqyly júzege asyryldy. Kelesi jyly 13 aýyldy taza aýyz sýǵa qosý úshin jobalyq-smetalyq qujattamasyn aıaqtap, olarǵa sý tartýdy josparlanyp otyr. Sonymen birge, qazirgi tańda aýdan turǵyndarynyń 94,0% tabıǵı gazben qamtylyp otyr. Bıyl búdjetten 680,0 mln. teńge qarajat bólinip, 2017-2018 jyldarǵa josparlanǵan aýdannyń 11 eldimekenine (Jambyl, Úshtóbe, Bitik, Tegisjol, Jańajol, Qaraǵaı, Toǵan, Sarman, Bıtileý, Aqbulaq, Esim aýyldaryna) tabıǵı gaz qubyryn tartý jumystary júrgizilip jatyr. Atalmysh jumystar aıaqtalǵan soń aýdan halqyn kógildir otynmen qamtý kórsetkishi 98,3 paıyzdy quraıtyn bolady.
Sonymen qatar «Nurly jer» baǵdarlamasy boıynsha respýblıkalyq jáne oblystyq búdjetten 65,5 mln.teńge qarajat bólinip, Chapaev jáne Taıpaq aýyldarynda 6 eki páterli, bir qabatty, 660 sharshy metrdi quraıtyn turǵyn úı qurylysy júrgizilýde jáne atalǵan turǵyn úılerge ınjenerlik ınfraqurylymyn júrgizýge 7,5 mln.t qarajat bólindi. Sondaı-aq jergilikti búdjet arqyly 48,6 mln.t qarajatqa Esensaı, Alǵabas, Bazarsholan, Býdarın, Quraılysaı jáne Kónekketken aýyldarynda 1 qabatty 1 páterli komýnaldyq turǵyn úı qurylysy salynýda. Bul jumystardy odan ári jalǵastyrý maqsatynda 2018 jyly aýdan ortalyǵynda 3 qabatty 24 páterli turǵyn úı qurylysyn salý josparda bar. Qazirgi ýaqytta atalmysh turǵyn úı qurylysy úshin jobalaý-smetalyq qujattama daıyndalýda. Jalpy, aýdan boıynsha 66 kóppáterli turǵyn úıdiń 11-i «Óńirlerdi damytý» baǵdarlamasy boıynsha jóndeldi.
Halyqty turaqty jumyspen qamtý salasynda 8 aıda 809 jańa jumys orny ashyldy. Áleýmettik jumys oryndary boıynsha 8 aıda 139 adam sharýa qojalyqtary men jeke kásipkerlerge jumysqa joldandy. «Jastar tájirıbesi» baǵdarlamasy boıynsha 72 jas maman joldanyp, olardyń 13-i turaqty jumysqa ornalasty. «Dıplommen aýylǵa» baǵdarlamasy aıasynda jyl basynan 98 maman suranys berip, esepti merzimde 69 mamanǵa 10,9 mln. teńge kóterme járdemaqy jáne 40 mamanǵa 124,3 mln. teńge búdjettik nesıe berildi. Suranysqa oraı áli de 29 mamanǵa 90 mln. teńgedeı qarjy qajet.
Jyl basynan beri 3 ret ótkizilgen bos jumys oryndarynyń jármeńkesi nátıjesinde 166 adamnyń 126-y jumysqa ornalasty. Sonymen birge, 8 aı ishinde 27 múgedek jan jumysqa ornalasty. Kúni búginge 257 adam jumyssyz retinde tirkelip, jumyssyzdyq deńgeıi 1% qurady.
Brıfıń barysynda Aqjaıyq aýdanynyń ákimi aýdan boıynsha kadr jetispeýshiligi bilim berý salasynda 22 maman jáne densaýlyq saqtaý salasynda 3 mamandy quraıtynyn málim etti.
Akjaıyk aýdany
