بەلگٸلٸ زەرتتەۋشٸ "بولاشاق" باعدارلاماسىنىڭ كەمشٸل تۇسىن ايتتى, - دەپ حابارلايدى Dalanews.kz.
Ulysmedia.kz مەلٸمەتٸنشە, Kozybayev University-دٸڭ ەكس-پرورەكتورى, زەرتتەۋشٸ, بيوتەحنولوگ ەرٸ يننوۆاتور دەمەل مەكتەپباەۆا بٸر تالانتتى بويجەتكەننٸڭ وقيعاسىن ايتىپ بەرگەن. ونىڭ سٶزٸنشە, ول قىزعا شىنايى قولداۋ قاجەت. دەمەل مەكتەپباەۆانىڭ ايتۋىنشا, كارينا ەسٸمدٸ بويجەتكەن بالا كەزٸنەن ينجەنەر بولۋدى, عارىش كەمەلەرٸن قۇراستىرۋدى ارمانداعان. جىلدار بويى ٶز بەتٸنشە بٸلٸم الا جٷرٸپ, ول مٷمكٸن ەمەس دەگەندٸ مٷمكٸن ەتكەن, بٸردەن ەكٸ امەريكالىق ۋنيۆەرسيتەتكە وقۋعا تٷسكەن.
الايدا وسى سەتتە ول ەڭ ٷلكەن مەسەلەگە تاپ بولعان. يللينويس شتاتىنداعى ۋنيۆەرسيتەتتەردٸڭ بٸرٸ كاريناعا 50 پايىز وقۋ اقىسىن جەڭٸلدەتكەن. الايدا قالعان جارتىسىن تٶلەۋ – تىم قيىن. جەڭٸلدٸككە قاراماستان, تۇرۋ اقىسى, ساقتاندىرۋ جەنە ٶزگە شىعىندار – وراسان زور. كارينا مەن ونىڭ وتباسى ٷشٸن بۇل – قول جەتپەيتٸن شاما.
"سوندا وسىنداي بالالار قولداۋعا لايىق ەمەس پە? «بولاشاق» دەل وسىلار ٷشٸن قۇرىلماعان با ەدٸ? بٸز قازاقستاننىڭ بولاشاعى جايلى جيٸ ايتامىز. مٸنە, سول بولاشاق – وسى قىز. اقىلدى, ماقساتكەر, قاراپايىم ەرٸ تاڭعالارلىقتاي تاباندى. مەن شىن جٷرەكتەن سەنەمٸن: «بولاشاق» باعدارلاماسى باكالاۆريات ستيپەنديياسىن قايتا ەنگٸزۋٸ تيٸس. ٶيتكەنٸ دەل وسىنداي كارينالار ەلدٸڭ ەڭ ٷلكەن ينۆەستيتسيياسى. شەتەلگە كەتۋدٸ عانا ەمەس, كەرٸ ورالىپ, ەلدە – بەلكٸم, تٸپتٸ عارىشتىق بولاشاقتى – قۇرۋدى قالايتىنداردى قولدايىق, – دەدٸ دەمەل مەكتەپباەۆا.
«بولاشاق» باعدارلاماسىنا باكالاۆرياتتى قايتارۋ جوسپارى تۋرالى عىلىم جەنە جوعارى بٸلٸم مينيسترٸ ساياسات نۇربەك 2023 جىلدىڭ شٸلدەسٸندە مەلٸمدەگەن بولاتىن. ول كەزدە مينيستر ەلەمنٸڭ ٷزدٸك ۋنيۆەرسيتەتتەرٸندە وقۋ مٷمكٸندٸگٸ حالىقارالىق وليمپيادا جەڭٸمپازدارىنا بەرٸلەتٸنٸن ايتقان. سونداي-اق, بۇل شەشٸم 2023 جىلى رەسپۋبليكالىق كوميسسييامەن قابىلدانعانىن, الايدا زاڭناماعا ٶزگەرٸس ەنگٸزۋدٸ قاجەت ەتەتٸنٸن, سول سەبەپتٸ ٶتكەن جىلدىڭ سوڭىندا (2023) تيٸستٸ زاڭ جوباسى پارلامەنتكە ۇسىنىلعانىن جەتكٸزگەن.
كٷزدە ساياسات نۇربەك بۇل باستامانى قايتا كٶتەرٸپ, باكالاۆرياتتىڭ باعدارلاماعا 2025 جىلى ورالاتىنىن ايتقان.
