Belgili zertteýshi "Bolashaq" baǵdarlamasynyń kemshil tusyn aitty, - dep habarlaidy Dalanews.kz.
Ulysmedia.kz málimetinshe, Kozybayev University-diń eks-prorektory, zertteýshi, biotehnolog ári innovator Dámel Mektepbaeva bir talantty boijetkenniń oqiǵasyn aityp bergen. Onyń sózinshe, ol qyzǵa shynaiy qoldaý qajet. Dámel Mektepbaevanyń aitýynsha, Karina esimdi boijetken bala kezinen injener bolýdy, ǵarysh kemelerin qurastyrýdy armandaǵan. Jyldar boiy óz betinshe bilim ala júrip, ol múmkin emes degendi múmkin etken, birden eki amerikalyq ýniversitetke oqýǵa túsken.
Alaida osy sátte ol eń úlken máselege tap bolǵan. Illinois shtatyndaǵy ýniversitetterdiń biri Karinaǵa 50 paiyz oqý aqysyn jeńildetken. Alaida qalǵan jartysyn tóleý – tym qiyn. Jeńildikke qaramastan, turý aqysy, saqtandyrý jáne ózge shyǵyndar – orasan zor. Karina men onyń otbasy úshin bul – qol jetpeitin shama.
"Sonda osyndai balalar qoldaýǵa laiyq emes pe? «Bolashaq» dál osylar úshin qurylmaǵan ba edi? Biz Qazaqstannyń bolashaǵy jaily jii aitamyz. Mine, sol bolashaq – osy qyz. Aqyldy, maqsatker, qarapaiym ári tańǵalarlyqtai tabandy. Men shyn júrekten senemin: «Bolashaq» baǵdarlamasy bakalavriat stipendiiasyn qaita engizýi tiis. Óitkeni dál osyndai Karinalar eldiń eń úlken investitsiiasy. Shetelge ketýdi ǵana emes, keri oralyp, elde – bálkim, tipti ǵaryshtyq bolashaqty – qurýdy qalaityndardy qoldaiyq, – dedi Dámel Mektepbaeva.
«Bolashaq» baǵdarlamasyna bakalavriatty qaitarý jospary týraly ǵylym jáne joǵary bilim ministri Saiasat Nurbek 2023 jyldyń shildesinde málimdegen bolatyn. Ol kezde ministr álemniń úzdik ýniversitetterinde oqý múmkindigi halyqaralyq olimpiada jeńimpazdaryna beriletinin aitqan. Sondai-aq, bul sheshim 2023 jyly respýblikalyq komissiiamen qabyldanǵanyn, alaida zańnamaǵa ózgeris engizýdi qajet etetinin, sol sebepti ótken jyldyń sońynda (2023) tiisti zań jobasy Parlamentke usynylǵanyn jetkizgen.
Kúzde Saiasat Nurbek bul bastamany qaita kóterip, bakalavriattyń baǵdarlamaǵa 2025 jyly oralatynyn aitqan.
