پارلامەنت ءماجىلىسىنىڭ پلەنارلىق وتىرىسىندا ورتالىق سايلاۋ كوميسسياسىنىڭ مۇشەسى اقىلبەك يحدانوۆتىڭ وكىلەتتىگىن مەرزىمىنەن بۇرىن توقتاتۋ ماقۇلداندى، دەپ حابارلايدى ينتەرفاكس-قازاقستان.
«پالامەنت ماجىلىسىنە وسك مۇشەسى اقىلبەك جامەل ۇلى يحدانوۆتىڭ وكىلەتتىگىن ءوز ەركىمەن مەرزىمىنەن بۇرىن توقتاتۋ تۋرالى ءوتىنىشى ءتۇستى.
«قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭنىڭ 19-بابى 6-تارماعىنىڭ 1-تارماقشاسىنا سايكەس سايلاۋ كوميسسياسىنىڭ مۇشەسى ءوز ەركىمەن ءوتىنىش بەرگەن جاعدايدا، مىندەتىن اتقارۋدان بوساتىلادى. وسىعان بايلانىستى ءبىز اقىلبەك يحدانوۆتىڭ وسك مۇشەسى رەتىندەگى وكىلەتتىگىن مەرزىمىنەن بۇرىن توقتاتۋدى ۇسىنامىز»،– دەدى وتىرىستا ءماجىلىس دەپۋتاتى نۇرلان ءابدىروۆ.
يحدانوۆتىڭ وكىلەتتىگىن مەرزىمىنەن بۇرىن توقتاتۋعا ءماجىلىس دەپۋتاتتارى ءبىراۋىزدان داۋىس بەردى.
ايتا كەتسەك، اقىلبەك يحدانوۆ پارلامەنت ءماجىلىسىنىڭ 2018 جىلعى 5 قىركۇيەكتەگى قاۋلىسىمەن وسك مۇشەسى بولىپ تاعايىندالعان ەدى.
