باسقوسۋعا اقىن، قازاقستان جازۋشىلار وداعىنىڭ مۇشەسى، قازاقستان رەسپۋبليكاسى جۋرناليستەر وداعىنىڭ مۇشەسى، پارتيالىق ءتىزىم بويىنشا پارلامەنتكە ۇمىتكەر قازىبەك يسا، جەتىساي اۋداندىق ءماسليحاتتىققا كانديدات ەلميرا تەمىربايەۆا، "اق جول" قدپ شىمكەنت قالالىق فيليالىنىڭ ءتوراعاسى، "اق جول" دەموكراتيالىق پارتياسىنىڭ پارتيالىق تىزىممەن ق ر پارلامەنتى ءماجىلىسى دەپۋتاتتىعىنا كانديدات ءالىمحان دوسىباي ۇلى ابجانوۆ قاتىستى.
كەزدەسۋ بارىسىندا اقىن قازىبەك يسا نە ءۇشىن “اق جولدىڭ” سايلاۋالدى باعدارلاماسى جايىنداعى ويىن ورتاعا سالدى.
–“اق جول” – پارلامەنتتىك سايلاۋعا 6 رەت، پرەزيدەنتتىك سايلاۋعا 2 رەت قاتىسقان پارتيا. 20 جىلدىق تاريحى بار پارتيا وسى ۋاقىتقا دەيىن اتاۋىن وزگەرتپەگەن، قۇرامىن كوبەيتكەن. الاشتىڭ ۇلتتىق يدەياسىن ۇسىناتىن، ءتىل، كاسىپكەرلىك سالاسىنداعى ءبىرقاتار ماسەلەنى كوتەرىپ، ولاردىڭ شەشىلۋىنە ىقپال ەتكەن، – دەدى قازىبەك يسا.
سونىمەن قاتار، پارتيالىق ءتىزىم بويىنشا پارلامەنتكە ۇمىتكەر قازىبەك يسا: “-ستان” سوزىنەن ارىلۋ كەرەكتىگىن جەتكىزدى.
ونىڭ ايتۋىنشا: “-ستان” ءسوزىنىڭ ءوزى رەسپۋبليكا دەگەن ماعىنانى بىلدىرەدى. سوندىقتان “رەسپۋبليكا” ءسوزى ەكى رەت قايتالانىپ تۇر.
قازاق رەسپۋبليكاسى نەمەسە قازاق ەلى دەگەن اتاۋدى قايتا قايتارۋ كەرەكتىگىن اتاپ ءوتتى.
بۇدان بولەك، جيىندا كاسىپكەر ءالىمحان دوسىباي ۇلى دا پارتيانىڭ ارتىقشىلىقتارىن ايتتى.
