كەزدەسۋ بارىسىندا بەرىك دۇيسەمبينوۆ جينالعانداردى پارتيانىڭ ساياسي باعدارلاماسىنىڭ نەگىزگى باعىتتارىمەن تانىستىردى.
«اق جول» دەمپارتياسىنىڭ باستامالارى مەن پارلامەنتتە اتقارىلعان جۇمىستارىنا توقتالدى. استانا ىرگەسىندەگى قالالار مەن ەلدى مەكەندەردىڭ ينفراقۇرىلىم ماسەلەلەرىن كوتەردى.
كانديدات «اق جول» پارتياسى بۇل ماسەلەلەردى شەشۋ ءۇشىن پارلامەنتتىڭ مەملەكەتتىك بيۋدجەتتى بەكىتۋ مەن باقىلاۋداعى وكىلەتتىگىن كۇشەيتۋ قاجەت دەپ سانايتىنىن اتاپ ءوتتى.
بۇگىندە كەز كەلگەن ماسەلەنى شەشۋدەگى مەملەكەتتىڭ مۇمكىندىكتەرى بيۋدجەتپەن انىقتالادى. مەملەكەت تىڭداپ عانا قويماي، ماسەلەنى شەشە دە ءبىلۋى كەرەك. پروبلەمالاردى كوتەرىپ، وتىنىشتەردى قابىلداۋ جەتكىلىكسىز، قوعام كۇتكەن ناقتى قادامدارعا قول جەتكىزۋ الدەقايدا ماڭىزدى.
سوندىقتان، ۇكىمەت كەلىسىمىنسىز پارلامەنتتىڭ سايلاۋشىلاردىڭ قاجەتتىلىكتەرىنە قاراجات بولە الاتىن قۇقىعى بولۋى كەرەك.
جينالعاندار اۋىز سۋ، ەلەكتر ەنەرگياسىنىڭ باعاسى، جول جاعدايى، قوقىس شىعارۋعا قاتىستى سۇراقتار قويدى.
قوسشا تۇرعىندارى «اق جول» دەمپارتياسى كانديداتتارىنا پارلامەنتكە وتۋگە تىلەكتەستىك ءبىلدىرىپ، قالانىڭ تۇششى سۋ ماسەلەسىن كوتەرۋدى ءوتىندى. ويتكەنى جەرگىلىكتى بيلىك جىلدار بويى قۇدىق ماسەلەسىنە كوز جۇمىپ كەلەدى. تۇرعىندار پارتيانىڭ ساياسي باعدارلاماسىن قولداپ، «اق جول» كانديداتتارىنا جەڭىس تىلەدى.
