Kezdesý barysynda Berik Dúisembinov jinalǵandardy partiianyń saiasi baǵdarlamasynyń negizgi baǵyttarymen tanystyrdy.
«Aq jol» dempartiiasynyń bastamalary men parlamentte atqarylǵan jumystaryna toqtaldy. Astana irgesindegi qalalar men eldi mekenderdiń infraqurylym máselelerin kóterdi.
Kandidat «Aq jol» partiiasy bul máselelerdi sheshý úshin Parlamenttiń memlekettik biýdjetti bekitý men baqylaýdaǵy ókilettigin kúsheitý qajet dep sanaitynyn atap ótti.
Búginde kez kelgen máseleni sheshýdegi memlekettiń múmkindikteri biýdjetpen anyqtalady. Memleket tyńdap ǵana qoimai, máseleni sheshe de bilýi kerek. Problemalardy kóterip, ótinishterdi qabyldaý jetkiliksiz, qoǵam kútken naqty qadamdarǵa qol jetkizý áldeqaida mańyzdy.
Sondyqtan, Úkimet kelisiminsiz Parlamenttiń sailaýshylardyń qajettilikterine qarajat bóle alatyn quqyǵy bolýy kerek.
Jinalǵandar aýyz sý, elektr energiiasynyń baǵasy, jol jaǵdaiy, qoqys shyǵarýǵa qatysty suraqtar qoidy.
Qossha turǵyndary «Aq jol» dempartiiasy kandidattaryna Parlamentke ótýge tilektestik bildirip, qalanyń tushy sý máselesin kóterýdi ótindi. Óitkeni jergilikti bilik jyldar boiy qudyq máselesine kóz jumyp keledi. Turǵyndar partiianyń saiasi baǵdarlamasyn qoldap, «Aq jol» kandidattaryna jeńis tiledi.
