"بالا جامبىل" ەسٸمٸمەن تانىلعان جاس اقىن جامبىل دٷيسەنوۆ جۋرناليست جىلقىشىبايعا بەرگەن سۇحباتىندا سوڭعى جىلدارى نە سەبەپتٸ كٶپشٸلٸك كٶزٸنەن تاسادا قالعانىن ايتتى, دەپ حابارلايدى ozgeris.info.
اقىننىڭ سٶزٸنشە, ونىڭ ٶمٸرٸندەگٸ ەڭ اۋىر كەزەڭ 2020 جىلى باستالعان. سول جىلى ول ٶزٸنە ٶتە جاقىن بولعان ەپكەسٸنەن ايىرىلعان. جامبىل بۇل قايعىنىڭ بٷكٸل وتباسىنا اۋىر سوققى بولعانىن جەتكٸزدٸ.
"2020 جىلى ٶمٸرٸمدٸ كٷرت ٶزگەرتكەن جاعداي بولدى. موينىما تاققان تۇمارىمداي بولعان جالعىز ەپكەمنەن, سىرلاسىمنان, ەڭ جاقىن ادامىمنان ايىرىلىپ قالدىم. وسى جاعدايدان كەيٸن ٶزٸمدٸ تاستاپ جٸبەردٸم. جۇمىستان دا شىعىپ كەتتٸم. تەك ٷيدە جاتتىم, جىلاي بەرەتٸنمٸن", – دەدٸ ول.
جاس اقىن ەپكەسٸ قىتايدان كەلٸپ, ديپلوم جۇمىسىن جازىپ جٷرگەن كەزدە كەنەتتەن قايتىس بولعانىن ايتتى. ونىڭ سٶزٸنشە, بۇل جاعدايدان كەيٸن ول ەلەۋمەتتٸك جەلٸدەن الىستاپ, ەشكٸممەن ارالاسپاي كەتكەن.
"ەپكەمنٸڭ قازاسى وتباسىمىزعا ٶتە اۋىر تيدٸ. ەلەۋمەتتٸك جەلٸنٸ ۇمىتتىم, ەشكٸممەن بايلانىسپادىم, ەشكٸممەن ارالاسپادىم", – دەدٸ بالا جامبىل.
جامبىل دٷيسەنوۆ ٶزٸن قايتا قولعا الۋىنا ەڭ الدىمەن اناسىنىڭ جاعدايى سەبەپ بولعانىن ايتتى. اقىننىڭ سٶزٸنشە, ەپكەسٸ ٶمٸردەن ٶتكەننەن كەيٸن اناسى دا قاتتى كٷيزەلگەن.
"ٶزٸمدٸ قولعا العان بٸرٸنشٸ سەبەپ – انام. ەپكەم قايتقان سوڭ انام مٷلدە جاتىپ قالدى. مەنٸمەن قوشتاسا بەرەتٸن بولدى", – دەدٸ ول.
اقىن بۇعان دەيٸن دە ٶمٸرٸندەگٸ جاقىن ادامدارىنان ايىرىلعانىن ەسكە الدى. 2016 جىلى ەجەسٸنەن ايىرىلعانىن, ال ەجەسٸ ونىڭ تەربيەسٸندە ەرەكشە ورىن العانىن ايتتى.
"ٶمٸرٸمدەگٸ ەڭ جاقىن ەكٸ ادام – ەجەم مەن ەپكەم ەدٸ. ەجەمنٸڭ تەربيەسٸمەن ٶتتٸم. بارلىق وتباسىم ماعان قاراپ قالدى. ەكەم دە جۇمىستان شىعىپ كەتكەن", – دەدٸ جامبىل.
سۇحبات بارىسىندا ول ەپكەسٸنٸڭ قازاسىنان كەيٸن اۋىر كٷيزەلٸسكە تٷسٸپ, ٶمٸردەن تٷڭٸلگەن سەتتەرٸ بولعانىن جاسىرمادى. تٸپتٸ ٶزٸنە قول جۇمساماق بولعان كەزٸ دە بولعانىن ايتتى.
"ەپكەم قايتقاننان كەيٸن ٶزٸمە سۋيتسيد جاساماق بولعانىم راس. 10 جىل بويى اقىندىعىمدى دا تاستاپ كەتتٸم. ٶيتكەنٸ بۇل ٶمٸردەن كٶڭٸلٸم قالىپ, كٷدەر ٷزگەن سەت بولدى. بٸراق ولاي بولمايتىنىن تٷسٸندٸم. تەك ٶزٸمدٸ ويلاپ كەتٸپ قالسام, ەۋلەتٸم جىلاپ قالادى", – دەدٸ ول.
