اپاتتى ۇيدە كامەلەتكە تولماعان ەكى بالامەن بىرگە تۇرعان استانا تۇرعىنى سوت ارقىلى ەلوردا اكىمدىگىنەن تۇرعىن ءۇي بەرۋگە قول جەتكىزدى، دەپ حابارلايدى Dalanews.kz.
بۇل تۋرالى 2024 جىلعى 27 تامىزدا ق ر جوعارعى سوتى مالىمدەدى.
"اناسى مەن ونىڭ ەكى كامەلەتكە تولماعان بالاسى استانا اكىمدىگىنە، تۇرعىن ءۇيدى جوندەۋ جوباسىن جۇزەگە اسىرۋ كوميسسياسىنا تۇرعىن ءۇي بەرۋدەن باس تارتۋدى زاڭسىز دەپ تانۋ، ولاردى جالعا بەرۋ شارتى بويىنشا باسپانا بەرۋگە ماجبۇرلەۋ تۋرالى تالاپ قويۋمەن سوتقا جۇگىنگەن. ءمااس تاراپىنان تالاپ قويۋ قاناعاتتاندىرىلدى. اپەللياسيا ءبىرىنشى ساتىداعى سوتتىڭ شەشىمىن وزگەرىسسىز قالدىرعان"،- دەلىنگەن سوت حابارلاماسىندا.
جاۋاپكەرلەر جوعارعى سوتقا كاسساسيالىق شاعىم ءتۇسىردى.
"تالاپ قويۋشى مەملەكەت مەنشىگى بولىپ تابىلاتىن داۋلى پاتەردە تۋعان كۇنىنەن باستاپ اتا-اناسىمەن بىرگە تۇرادى. اكەسى 1977 جىلدان، اناسى 1987 جىلدان بەرى سول ۇيدە تىركەلگەن. 2023 جىلى تۇرعىن ءۇي قۇرىلىسى ءقاۋىپتى دەپ تانىلىپ، ءماجبۇرلى تۇردە يەلىكتەن شىعارىلعان. جەرگىلىكتى سوتتار ايەل مەن ونىڭ قىزدارىنىڭ داۋلى پاتەردى اشىق پايدالانىپ وتىرعانىنا جانە باسقا باسپاناسى جوقتىعىنا زاڭدى تۇردە نازار اۋداردى. تيىسىنشە، "تۇرعىن ءۇي قاتىناستارى تۋرالى" زاڭنىڭ 69-بابىنىڭ ولشەمشارتتارى بويىنشا ولار مۇقتاج دەپ تانىلادى".
جاۋاپكەرلەردىڭ جاڭا باسپانا بەرۋدەن باس تارتۋداعى دالەلدەرىنىڭ ءبىرى — تالاپ قويۋشىلاردا قۇقىق بەلگىلەيتىن قۇجاتتاردىڭ جوقتىعى.
"الايدا، مەملەكەتتىك مەكەمە ولارعا داۋلى پاتەردە ۇزاق ۋاقىت تۇرۋىنا قاتىستى ەشقانداي تالاپ قويماعان. بۇل جاعدايدى مەنشىك يەسىنىڭ ءۇنسىز كەلىسىمىمەن جالداۋ شارتى بويىنشا تۇرۋ دەپ ەسەپتەۋ كەرەك. دەمەك، تالاپ قويۋشىلار زاڭنىڭ 105-بابىندا كورسەتىلگەندەي، مەملەكەتتىك قوردان تۇرعىن ءۇيدى جالداۋ شارتى بويىنشا الۋ شارتتارىنا جاتادى".
ق ر جوعارعى سوتى باسپا ءسوز قىزمەتى
جوعارعى سوت اتاپ وتكەندەي، كاسساسيالىق ساتىدا جاۋاپكەرلەر ءوز تالاپتارىن نەگىزدەۋ ءۇشىن نازار اۋدارۋعا تۇرارلىق جاڭا دالەلدەر كەلتىرگەن جوق.
"تاراپتىڭ ءىستىڭ وبەكتيۆتى ءمان-جايلارىنا سايكەس كەلەتىن سوت قورىتىندىلارىمەن كەلىسپەۋى داۋلى سوت اكتىلەرىنىڭ كۇشىن جويۋعا نەگىز بولىپ تابىلمايدى" دەلىنگەن جوعارعى سوتتىڭ ءاجسا-نىڭ №6001-24-00-6aپ/163 قاۋلىسىندا.
