الماتىنىڭ تٷركسٸب اۋداندىق سوتىندا Bek Air ەۋە كومپانيياسىنىڭ ۇشاعى اپاتىنا قاتىستى قىلمىستىق ٸس قارالىپ جاتىر, دەپ حابارلايدى Dalanews.kz Nur.kz-كە سٸلتەمە جاساپ.
كەزەكتٸ وتىرىستا سوت-مەديتسينالىق ساراپشى راحيمجان ابدۋكاريموۆ ٶز قورىتىندىسىن جارييالاپ, قازا بولعانداردى امان الىپ قالۋعا مٷمكٸندٸك بولعانىن مەلٸمدەدٸ.
ساراپشىنىڭ ايتۋىنشا, ەكيپاج مٷشەلەرٸ مەن جولاۋشىلار العان جاراقاتتاردىڭ بارلىعى ۇشاقتىڭ تۇرعىن ٷيگە سوعىلۋ سەتٸندە پايدا بولعان.
"باسقا نۇسقالار جوق. بارلىق جاراقات – قوزعالىس ٷستٸندەگٸ ەۋە كەمەسٸنٸڭ تۇرعىن ٷيمەن سوقتىعىسۋىنان الىنعان سوققىنىڭ سالدارىنان بولعان. اۆياتسييالىق جاراقات بەلگٸلەرٸ انىقتالعان جوق", – دەدٸ ول.
ابدۋكاريموۆتىڭ سٶزٸنشە, ادامداردىڭ قازا بولۋى مەن جاراقات الۋىنىڭ ناقتى سەبەبٸ – ۇشاقتىڭ ٷيمەن سوقتىعىسۋى. بۇل تۇجىرىم بەينەجازبالارمەن جەنە اپاتقا جٷرگٸزٸلگەن تەرگەۋدٸڭ قورىتىندى ەسەبٸمەن راستالعان.
ساراپشى اپات كەزٸندە ۇشاق بيٸكتەن قۇلاماعانىن, قۇرىلىمدىق جارىلىس پەن ٶرتتٸڭ بولماعانىن اتاپ ٶتتٸ.
"قار جامىلعان جولاقپەن قوزعالىپ كەلە جاتقان ەۋە كەمەسٸ ەكٸ قاباتتى ٷيگە سوعىلدى. سول سوقتىعىس فيۋزەلياجدىڭ سىنۋىنا, قىسىلا جارىلۋىنا ەكەلدٸ. ەگەر ۇشاق جولىندا ٷي بولماعاندا, ەكيپاج بەن جولاۋشىلار اراسىندا قۇرباندار بولماس ەدٸ", – دەدٸ ابدۋكاريموۆ.
Bek Air كومپانيياسىنىڭ Fokker-100 ۇشاعى 2019 جىلدىڭ 27 جەلتوقسانىندا الماتىدان استاناعا ۇشىپ شىققان سوڭ, ەۋەجاي ماڭىندا بەتون قورشاۋعا سوعىلىپ, جەكە ٷيگە سوقتىعىسقان بولاتىن.
قايعىلى وقيعا سالدارىنان 13 ادام قازا تاۋىپ, شامامەن 70 جولاۋشى جارالانعان.
