وتكەن جەكسەنبى كۇنى كەشكىسىن انكارا ورتالىعىندا جارىلىس بولىپ 34 ادام كوز جۇمسا، 125 ادام جاراقات العان. تۇرىك بيلىگىنىڭ رەسمي دەرەگى وسىنداي.
جارىلىس استانانىڭ باس الاڭىداعى اتاتۇرىك ساياباعى جانىنداعى ايالدامادا ورىن العان. تۇرىكتىڭ NTV تەلەكانالى حابارلاعانداي، اۆتوكولىك جارىلۋى مۇمكىن.
تۇركيا پرەمەر-مينيسترى احمەت داۆۋتوگلۋ ۇكىمەتتىڭ جەدەل وتىرىسىن وتكىزدى.
سوڭعى بەس ايدىڭ ىشىندە ادام ولىمىنە اكەلگەن جارىلىستار وسىمەن ءۇشىنشى رەت ورىن الىپ وتىر. ءۇش اپتا بۇرىن انكارادا اسكەري كولىككە شابۋىلداعان بولاتىن. شابۋىل كەسىرىنەن 29 سارباز قايتىس بولدى. وتكەن جىلدىڭ قازان ايىندا بولعان جانكەشتىنىڭ جاساعانىن شابۋىلىنان جۇزگە جۋىق ادام قازا تاپتى.
