الماتىدا اناسىنىڭ كٶزٸنشە جەتٸ جاسار قىزدى قاعىپ كەتكەن جٷك كٶلٸگٸنٸڭ جٷرگٸزۋشٸسٸ ۇستالدى, – دەپ حابارلايدى Dalanews.kz.
قالا پروكۋراتۋراسى جول اپاتىنا قاتىستى قىلمىستىق ٸس بويىنشا Renault جٷك كٶلٸگٸنٸڭ جٷرگٸزۋشٸسٸنە قاماۋعا الۋ تٷرٸندەگٸ بۇلتارتپاۋ شاراسىن سانكتسييالاۋ تۋرالى ٶتٸنٸشتٸ قولداعان.
"نوۆايا-بۇرىنداي كٶشەلەرٸنٸڭ قيىلىسىندا جٷك كٶلٸگٸنٸڭ جٷرگٸزۋشٸسٸ رەتتەلمەيتٸن جاياۋ جٷرگٸنشٸلەر ٶتكەلٸندە جولدى كەسٸپ ٶتٸپ بارا جاتقان جەتٸ جاسار قىزدى قاعىپ كەتتٸ, بالا سول جەردە كٶز جۇمدى.
الماتى قالاسىنىڭ مامانداندىرىلعان اۋداناارالىق تەرگەۋ سوتى جٷرگٸزۋشٸگە قاتىستى ەكٸ ايعا قاماۋعا الۋ تٷرٸندەگٸ بۇلتارتپاۋ شاراسىن تاعايىندادى", - دەپ جازىلعان حابارلامادا.
ايتا كەتەيٸك, باپتىڭ سانكتسيياسىندا 5 جىلعا دەيٸنگٸ مەرزٸمگە بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ايىرا وتىرىپ, 5 جىلعا دەيٸنگٸ مەرزٸمگە باس بوستاندىعىنان ايىرۋ جازاسى كٶزدەلگەن.
قالا پروكۋراتۋراسى كٶلٸك يەلەرٸن ساق بولۋعا, جولداردا ٶزارا سىيلاستىق تانىتىپ, جول ەرەجەسٸن ساقتاۋعا شاقىرادى.
