اتىراۋ وبلىسىندا جول اپاتى بولىپ، ەكى بالا كوز جۇمدى، دەپ حابارلايدى Dalanews.kz.

26 ناۋرىز كۇنى اتىراۋ وبلىسىنداعى دوسسور كەنتىندە Toyota Estima مەن Opel كولىكتەرى سوقتىعىستى.

اپات سالدارىنان ءۇش جاستاعى قىز بالا وقيعا ورنىندا كوز جۇمدى. ال بەس جاستاعى ۇل بالا دارىگەرلەردىڭ بارلىق كومەگىنە قاراماستان، اۋرۋحانادا قايتىس بولدى.

بالالاردىڭ اناسى اۋىر جاعدايدا جاتىر.

اتالعان دەرەك بويىنشا تەرگەۋ جۇرگىزىلىپ جاتىر، وقيعانىڭ ءمان-جايى انىقتالۋدا. بەيرەسمي مالىمەتتەرگە سۇيەنسەك، كولىكتەردىڭ ءبىرىن كامەلەتكە تولماعان ءجاسوسپىرىم باسقارۋى مۇمكىن.