بٸلٸم مەن عىلىم – ەل بولاشاعىن دامىتاتىن ەڭ ماڭىزدى كٷشتەردٸڭ بٸرٸ. ەلەم كٷن سايىن دامىپ, تٷرلٸ جاڭالىقتارىمەن ٶمٸرگە ٶزگەرٸس الىپ كەلٸپ جاتقاندا جاستاردىڭ اقپاراتتان تىس قالۋى دۇرىس ەمەس. ەلٸمٸزدە, شەتەلدە دامۋدىڭ مٷمكٸندٸكتەرٸن ٸزدەستٸرٸپ, ولاردى پايدالانۋ ماڭىزدى. قازٸرگٸ تاڭدا كٶپتەگەن تالانتتى جاستار شەتەلدە وقۋ مٷمكٸندٸگٸنەن حابارسىز نەمەسە سەنٸمسٸز. قاجەتتٸ قۇجاتتاردى جيناستىرۋ, ەمتيحان تٷرلەرٸن تاپسىرۋ, وقۋعا كەتەتٸن قارجى مەسەلەسٸ – بەرٸ دە ٷلكەن قيىندىق بولىپ كٶرٸنەدٸ.
وسىنداي مٷمكٸندٸكتەرگە قول جەتكٸزۋگە كٶمەكتەسەتٸن, باعىت-باعدار كٶرسەتەتٸن جانداردىڭ رٶلٸ ەرەكشە. سولاردىڭ بٸرٸ – عىلىم جولىندا تەك ٶزٸ عانا ەمەس, ەلٸمٸزدٸڭ عالىمدارى مەن كەسٸبي ماماندارىن امەريكاعا وقۋعا شاقىرىپ, بٸلٸم مەن دامۋدىڭ جولىن كٶرسەتٸپ جٷرگەن قازاقتىڭ باتىر قىزى – ليرا قونىس. ليرا تٷرلٸ كەڭەستەر بەرٸپ, باعدارلامالار تۋرالى اقپارات تاراتىپ, جاستارعا سەنٸم بەرٸپ جٷر. ەڭ باستىسى – ونىڭ ەڭبەگٸ جاستار ٷشٸن جاڭا مٷمكٸندٸكتەردٸڭ ەسٸگٸن اشۋدا. ونىڭ كٶمەگٸمەن كٶپتەگەن عالىمدار شەتەلدٸك ۋنيۆەرسيتەتتەرگە تٷسٸپ, تاعىلىمدامادان ٶتٸپ, ٶز بٸلٸمٸن جەتٸلدٸرۋدە.
امەريكاعا قونىس اۋدارعان ليرانىڭ وتباسى – بٷگٸندە بٸلٸم مەن بٸلٸكتٸلٸكتٸڭ شىنايى ٷلگٸسٸنە اينالىپ وتىر. ٶزٸ دە, جۇبايى دا مۇحيتتىڭ ارعى بەتٸندە شىڭدالىپ, بٸلٸم مەن ٶركەنيەتتٸڭ وزىق ٷلگٸلەرٸن ٷيرەنگەن. ولاردىڭ جولدارىن قۋىپ, بٸلٸمٸن شىڭداعان تۇڭعىشتارى اقش-تىڭ بەدەلدٸ ۋنيۆەرسيتەتٸندە تولىق گرانت يەگەرٸ اتانىپ, وقىپ جاتىر. الايدا ليرا تەك ٶز وتباسىنىڭ قامىن ويلاۋمەن توقتاعان جوق. كٶزٸ اشىق, كٶكٸرەگٸ وياۋ ادامنىڭ ناعىز ٷلگٸسٸن كٶرسەتٸپ, ول قازاق جاستارىنىڭ ەلەمدٸك بٸلٸم ورتالارىندا وقۋعا جول اشۋدا. اتاپ ايتقاندا, «بولاشاق» باعدارلاماسىمەن تىعىز بايلانىس ورناتىپ, دەۆيستەگٸ كاليفورنييا ۋنيۆەرسيتەتٸنٸڭ ەسٸگٸن وتاندىق عالىمدار مەن ماماندار ٷشٸن ايقارا اشتى. بۇل – جەكە جەتٸستٸكتٸڭ ۇلتتىق مٷددەگە قىزمەت ەتۋٸنٸڭ جارقىن كٶرٸنٸسٸ.
شەتەل كٶرگەن ماماننىڭ بٸلٸممەن قاتار, ٶمٸرلٸك تەجٸريبە جينايتىنى دا بەلگٸلٸ. كاليفورنيياداعى دەۆيس ۋنيۆەرسيتەتٸندەگٸ عالىمداردى ساباقتان تىس ۋاقىتتا امەريكا ەلٸنٸڭ مەدەنيەتٸمەن تانىستىرۋ ٷشٸن تٷرلٸ مەدەني ورىندار مەن ٸس - شارالارعا الىپ بارادى. بۇل باستاما دا ليرانىڭ قولداۋىمەن ورىندالىپ جاتىر. سالىستىرۋ بولعان جەردە ەلٸمٸزگە نە قاجەت ەكەنٸ, نەنٸڭ دۇرىس نەمەس بۇرىس ەكەنٸن تٷسٸنەتٸن بولادى. بۇل تەك جەكە ادامداردىڭ جەتٸستٸگٸ ەمەس, بولاشاقتا ەلدٸڭ دامۋىنا قوساتىن ٷلەسٸ. شەتەلدٸڭ مەدەنيەتٸن كٶرگەن مامان – ەرتەڭ ٶز ەلٸندە بٸلٸكتٸ مامان, جاڭاشىل تۇلعا بولۋمەن قاتار مەدەني ترانسفورماتسييا جاساۋى مٷمكٸن. وسىنداي مٷكٸندٸك بەرگەن بولاشاق باعدارلاماسىنىڭ دا ورنى ەرەكشە.
«بولاشاق» حالىقارالىق باعدارلاماسىنىڭ ماقساتى — تەك جەكە مامانداردىڭ ديپلومىن يەلەنۋٸ ەمەس, سول بٸلٸم ارقىلى تۇتاس قوعامنىڭ ساپالىق دەڭگەيٸن كٶتەرۋ, ۇلتتىق عىلىمنىڭ كٶكجيەگٸن كەڭەيتۋ. مەملەكەت ۇسىنىپ وتىرعان بۇل مٷمكٸندٸك — ينتەللەكتۋالدى ۇلت قالىپتاستىرۋ جولىنداعى ستراتەگييالىق قادام, سوندىقتان ليرا سيياقتى وتانداستارىمىز سالعان سارا جولمەن جٷرۋ, ەلەمدٸك وزىق تەجٸريبەنٸ ەل قاجەتتٸلٸگٸنە جاراتۋ ەربٸر ماماننىڭ ازاماتتىق پارىزىنا اينالۋى تيٸس.
شەتەلدە بٸلٸم الۋشىلار بٸلٸم مەن تەحنولوگييانى ەكسپورتتاپ قويماي, سول ارقىلى وتاندىق ورتانىڭ مەدەنيەتٸن, ەكونوميكاسىن جەنە عىلىمي ەلەۋەتٸن جاڭا دەڭگەيگە كٶتەرۋدٸ ماقسات ەتەدٸ. سوندىقتان بولاشاق باعدارلاماسىنىڭ تاپسىرماسىن امەريكادا ورىنداپ جٷرگەن قازاق قىزى تالاي قازاق عالىمىنا جاعداي جاساپ كەلەدٸ. امەريكاعا جول اشقان التىن كٶپٸردٸ ەربٸر عالىم مەن مامان ٶز كەسٸبي بٸلٸكتٸلٸگٸن جەتٸلدٸرەتٸن ەرٸ ەل دامۋىنا ٷلەس قوساتىن تاپتىرماس مٷمكٸندٸك دەپ قابىلداۋى قاجەت.
