امەريكادا تۇراتىن قازاق قىزى ەركە جۇماتاي Bank of America بانكٸندەگٸ جاعدايدى مىسالعا كەلتٸرٸپ, اقش بانكتەرٸنٸڭ الاياقتىقپەن قالاي كٷرەسەتٸنٸن باياندادى, دەپ حابارلايدى dalanews.kz.
ونىڭ ايتۋىنشا, جاقىندا بانك كارتاسىنان نيۋ-يوركتەگٸ بەلگٸسٸز مەديتسينالىق ورتالىق 94 دوللار 53 تسەنت شەشٸپ العانى تۋرالى حابارلاما كەلگەن. الايدا ول بۇل تٶلەمدٸ جاساماعانىن ايتتى.
«تٶلەم جاساعان كەزدە نيۋ-يوركتە بولعان جوقپىن», – دەپ جازدى ول.
ەركە جۇماتاي جاعدايدان كەيٸن بٸردەن بانكتٸڭ كليەنتتەردٸ قولداۋ قىزمەتٸنە حابارلاسقانىن ايتتى.
«جاعدايدى تٷسٸندٸردٸم. 30 مينۋت سٶيلەستٸك», – دەيدٸ ول.
ونىڭ سٶزٸنشە, بانك كٷمەندٸ وپەراتسييا انىقتالعاننان كەيٸن كارتانى بٸردەن بۇعاتتاعان. سونىمەن قاتار, ونلاين تٶلەمدەر توقتاپ قالماس ٷشٸن ۋاقىتشا ۆيرتۋالدى كارتا نٶمٸرٸ بەرٸلگەن.
ەركەنٸڭ ايتۋىنشا, بانك اقشا العان مەديتسينالىق ورتالىقتى دا قوسىمشا تەكسەرۋگە الىپ, بولاشاقتا ونىڭ كارتاسىنان قايتا اقشا شەشە المايتىنداي ەتٸپ بۇعاتتاعان. سونداي-اق جاڭا كارتا كليەنتتٸڭ ناقتى مەكەنجايىنا تەگٸن جٸبەرٸلگەن.
«جاڭا كارتا 2 جۇمىس كٷنٸنٸڭ ٸشٸندە كەلدٸ. بٸزدە كەيدە كارتانى قايتا شىعارۋ ٷشٸن اقشا الىنادى عوي», – دەپ جازدى ول.
ەڭ ماڭىزدىسى, ەركە جۇماتايدىڭ ايتۋىنشا, بانك كٷمەندٸ دەپ تانىلعان 94 دوللار 53 تسەنتتٸ ٶز قاراجاتىنان ۋاقىتشا كليەنتتٸڭ شوتىنا قايتارىپ بەرگەن. الايدا بانك ٶكٸلدەرٸ ٸستٸڭ ەلٸ تولىق تەكسەرٸلەتٸنٸن ەسكەرتكەن.
«ەگەر بۇل راسىمەن الاياقتىق بولسا اقشا تولىقتاي سٸزدە قالادى. ەگەر تٶلەمدٸ ٶزٸڭٸز جاساعانىڭىز دەلەلدەنسە سوما كەيٸن قايتارىلادى», – دەگەن بانك قىزمەتكەرلەرٸ.
ونىڭ ايتۋىنشا, تەكسەرۋ پروتسەسٸ ٷش اپتادان 90 كٷنگە دەيٸن سوزىلۋى مٷمكٸن. قوڭىراۋ بارىسىندا بانك قىزمەتكەرلەرٸ بٸرنەشە سۇراق قويعان. اتاپ ايتقاندا, بۇعان دەيٸن وسىنداي جاعداي بولعان-بولماعانىن, كارتانى باسقا بٸرەۋ قولدانۋى مٷمكٸن بە دەگەن مەسەلەلەر ناقتىلاعان. سونداي-اق سوڭعى وپەراتسييالار تۋرالى سۇراعان.
ەركە جۇماتاي بۇل مۇنداي العاشقى جاعداي ەكەنٸن ايتقان. ول ٶزٸن تاڭعالدىرعان باستى نەرسە بانكتٸڭ جىلدام ەرەكەتٸ بولعانىن اتاپ ٶتتٸ.
«بٸر عانا قوڭىراۋ. شامامەن 30 مينۋتتىڭ ٸشٸندە كارتانى بۇعاتتادى, جاڭاسىن شىعاردى, ۋاقىتشا تٶلەم قۇرالىن بەردٸ, اقشانى قايتاردى, تەكسەرۋ پروتسەسٸن باستادى. شىنىمەن, كليەنت قاۋٸپسٸزدٸگٸنە ٶتە جىلدام قارايدى ەكەن», – دەپ جازدى ول.
