Amerikada turatyn qazaq qyzy Erke Jumatai Bank of America bankindegi jaǵdaidy mysalǵa keltirip, AQSh bankteriniń alaiaqtyqpen qalai kúresetinin baiandady, dep habarlaidy dalanews.kz.
Onyń aitýynsha, jaqynda bank kartasynan Niý-Iorktegi belgisiz meditsinalyq ortalyq 94 dollar 53 tsent sheship alǵany týraly habarlama kelgen. Alaida ol bul tólemdi jasamaǵanyn aitty.
«Tólem jasaǵan kezde Niý-Iorkte bolǵan joqpyn», – dep jazdy ol.
Erke Jumatai jaǵdaidan keiin birden banktiń klientterdi qoldaý qyzmetine habarlasqanyn aitty.
«Jaǵdaidy túsindirdim. 30 minýt sóilestik», – deidi ol.
Onyń sózinshe, bank kúmándi operatsiia anyqtalǵannan keiin kartany birden buǵattaǵan. Sonymen qatar, onlain tólemder toqtap qalmas úshin ýaqytsha virtýaldy karta nómiri berilgen.
Erkeniń aitýynsha, bank aqsha alǵan meditsinalyq ortalyqty da qosymsha tekserýge alyp, bolashaqta onyń kartasynan qaita aqsha sheshe almaityndai etip buǵattaǵan. Sondai-aq jańa karta klienttiń naqty mekenjaiyna tegin jiberilgen.
«Jańa karta 2 jumys kúniniń ishinde keldi. Bizde keide kartany qaita shyǵarý úshin aqsha alynady ǵoi», – dep jazdy ol.
Eń mańyzdysy, Erke Jumataidyń aitýynsha, bank kúmándi dep tanylǵan 94 dollar 53 tsentti óz qarajatynan ýaqytsha klienttiń shotyna qaitaryp bergen. Alaida bank ókilderi istiń áli tolyq tekseriletinin eskertken.
«Eger bul rasymen alaiaqtyq bolsa aqsha tolyqtai sizde qalady. Eger tólemdi ózińiz jasaǵanyńyz dáleldense soma keiin qaitarylady», – degen bank qyzmetkerleri.
Onyń aitýynsha, tekserý protsesi úsh aptadan 90 kúnge deiin sozylýy múmkin. Qońyraý barysynda bank qyzmetkerleri birneshe suraq qoiǵan. Atap aitqanda, buǵan deiin osyndai jaǵdai bolǵan-bolmaǵanyn, kartany basqa bireý qoldanýy múmkin be degen máseleler naqtylaǵan. Sondai-aq sońǵy operatsiialar týraly suraǵan.
Erke Jumatai bul mundai alǵashqy jaǵdai ekenin aitqan. Ol ózin tańǵaldyrǵan basty nárse banktiń jyldam áreketi bolǵanyn atap ótti.
«Bir ǵana qońyraý. Shamamen 30 minýttyń ishinde kartany buǵattady, jańasyn shyǵardy, ýaqytsha tólem quralyn berdi, aqshany qaitardy, tekserý protsesin bastady. Shynymen, klient qaýipsizdigine óte jyldam qaraidy eken», – dep jazdy ol.
