الماتى وبلىسى باسشىسى ا. باتالوۆ ءوز سوزىندە الدىمەن ەلباسى نۇرسۇلتان ءابىش ۇلى نازاربايەۆتىڭ دارالىق قاسيەتى، كورەگەندىك جانە كوشباسشىلىق ەرەك قابىلەتى تۋرالى ايتتى. ەلباسىنىڭ دارا جولى، ومىرلىك ۇستانىمى مەن تەڭدەسسىز تاجىريبەسى ءاربىر ادام ءۇشىن ۇلگى بولاتىنىن تىلگە تيەك ەتتى.
– مەن تۇڭعىش پرەزيدەنتىمىزدىڭ ءوزىم ءتانتى بولعان ەرەكشە ءۇش قاسيەتىن جاستارعا ۇنەمى ايتىپ جۇرەمىن. ەلباسى – مىقتى ستراتەگ، ول كەز كەلگەن ماسەلەگە كەڭ اۋقىمدا، كەڭىستىك كوكجيەگىنەن قاراي الادى. جانە كەز كەلگەن تاقىرىپقا تەرەڭنەن ۇڭىلەدى، ماسەلەنى جان-جاقتى زەرتتەپ بارىپ، شەشىم قابىلدايدى. جانە ءۇشىنشىسى، الىستى كورە الاتىن، كەلەشەكتى بولجاي بىلەتىن كورەگەندىك قاسيەتكە يە. ءبىزدىڭ جاستار ەلباسىمىزدىڭ وسىنداي ەرەك قىرلارىنان ۇلگى السا، ەلجاندىلىق، كوشباسشىلىق، دارالىق سيپاتتارىن بويىنا سىڭىرسە دەيمىن، – دەي كەلە وبلىس باسشىسى تاۋەلسىزدىكتىڭ العاشقى جىلدارىنداعى قيىن دا كۇردەلى كەزەڭدەردى ەسكە الدى. سول جىلدارداعى ەلباسىنىڭ باتىل شەشىمدەرى، جەدەل قولعا العان رەفورمالارى، حالىقپەن كەزدەسىپ، تىلدەسكەن ساتتەرى - ءبارى-بارى اڭگىمەگە تيەك بولدى.
وبلىس باسشىسى ءوز سوزىندە ن.نازاربايەۆتىڭ ەل ەكونوميكاسىن اياعىنان نىق تۇرعىزۋى، حالىقتىڭ ءال-اۋقاتىن كوتەرۋگە باعىتتالعان كوپتەگەن مەملەكەتتىك باعدارلامالار ءتۇزىپ، ولاردى كەزەڭ-كەزەڭىمەن ىسكە اسىرۋى، جاڭا استانانى سالۋى، قازاقستاندى سىرتقى ساياساتتا بەدەلدى مەملەكەتكە اينالدىرۋى، كورشى ەلدەرمەن دوستىق قارىم-قاتىناس ورناتۋى – وسىنىڭ ءبارىن ۇزاق جىلدارعا جاسالعان ۇلكەن ستراتەگيالىق جوسپاردىڭ جەمىسى ەكەنىن العا تارتتى.
– تاۋەلسىزدىك العان العاشقى جىلداردا قانداي قيىنشىلىق بولعانىن كوپشىلىگىڭىز جاقسى بىلەسىزدەر. سول كەزدەردە مەن الماتى قالاسىنداعى جەتىسۋ اۋدانىنا باسشىلىق ەتتىم. اۋدانعا قاراستى 57 كاسىپورى بار ەدى، سونىڭ تۇگەلگە دەرلىگى توقتاپ، ەلگە زەيەتاقى، جالاقى بەرۋدىڭ ءوزى قيىنداپ كەتتى. سول كەزەڭدەردە ەلباسى ءتۇرلى سالا ماماندارىمەن، قاراپايىم حالىقپەن كەزدەسىپ، ءسال شىدامدىلىق تانىتساق، بەرەكە-بىرلىكتە بولساق، بۇل قيىندىقتى دا ەڭسەرەتىنىمىزدى ايتىپ، ءار جۇرەككە ءۇمىت بەرىپ ەدى. راسىندا دا سول جەمىستى جىلدارعا ۇشان-تەڭىز ەڭبەكتىڭ ارقاسىندا قول جەتكىزدىك. بۇگىنگى كۇنى ىرگەمىز بەرىك، شەكارامىز انىق، حالقىمىز بەيبىت ءومىردىڭ ارقاسىندا بەرەكەلى تىرلىك كەشىپ كەلەدى. تىنىشتىق – تۇراقتىلىقتىڭ كەپىلى بولىپ وتىر، – دەدى ا.باتالوۆ.
مۇنان سوڭ وبلىس باسشىسى ەلىمىزبەن قاتار الماتى وبلىسىنىڭ دا وسىپ-وركەندەپ كەلە جاتقانىن تىلگە تيەك ەتتى. جەتىسۋ جەرى ەلباسىنىڭ تۋعان جەرى ەكەنىن وبلىس تۇرعىندارى ماقتان تۇتادى. سول مارتەبە لايىق ەڭبەك ەتىپ، جەتىستىكتەرگە جەتۋگە ءاربىر جەتىسۋلىق ۇلەس قوسىپ كەلەدى.
– سارىارقا تورىندەگى جاڭا استانانىڭ باس ساۋلەتشىسى بولعان ەلباسىنىڭ الماتى وبلىسىنىڭ ورتالىعىن تالدىقورعانعا كوشىرۋ تۋرالى جارلىق شىعارۋى دا ەرەكشە تاريحي شەشىم بولدى. ءقازىر دە تۇڭعىش پرەزيدەنت ەلدىك ماقسات-مۇددەگە باعىتتالعان ىستەردە بىزگە جول كورسەتىپ، ءاردايىم قولداۋ تانىتىپ كەلەدى. سول سەبەپتى دە بيىلعى جىل كوروناۆيرۋس ىندەتىنىڭ تارالۋىنا بايلانىستى قيىندىقتارعا تولى بولعانىنا قاراماستان، وبلىس جىلدى جاقسى كورسەتكىشتەرمەن اياقتاعالى وتىر. قازىرگى كەزدە ءوڭىر ەكونوميكاسىنا 700 ملرد تەڭگەدەي ينۆەستيسيا تارتىلدى. جىل سوڭىنا قاراي اۋىل شارۋاشىلىعىنداعى جالپى ءونىم كولەمى 1 ترلن تەڭگەدەن اسادى. سونىڭ ناتيجەسىندە حالىقتىڭ ءال-اۋقاتى ارتىپ كەلەدى. بۇل – ەلباسىنىڭ جانە پرەزيدەنتىمىز قاسىم-جومارت توقايەۆتىڭ ەڭ باستى تاپسىرمالارى، – دەپ اتاپ ءوتتى ا. باتالوۆ.
جيىنعا قاتىسقان وبلىستىق ارداگەرلەر كەڭەسىنىڭ ءتوراعاسى ەرمەك كەلەمسەيىت، الماتى وبلىستىق قازاقستان حالقى اسسامبلەياسىنىڭ «تۋعان ەل» تاتار ەتنومادەني ورتالىعىنىڭ ءتورايىمى رۋفينا ۋسانوۆا جانە «جاستار تاڭداۋى» قوعامدىق بىرلەستىگىنىڭ جەتەكشىسى نۇرلان راحمەتقازىنوۆ تا ەلباسى كۇنىنە وراي قۇتتىقتاۋ تىلەكتەرىن جەتكىزىپ، جينالعاندارعا ىقىلاستارىن ءبىلدىردى. ەلباسىنىڭ سالعان سارا جولىن، پرەزيدەنتىمىز قاسىم-جومارت كەمەل ۇلىنىڭ العا قويعان مىندەتتەرى مەن ماقساتتارىن ورىنداۋدا بۇدان بىلاي دا ۇلەس قوساتىندىقتارىن جەتكىزدى.
سالتاناتتى شارادا وبلىستىڭ ءبىرقاتار ازاماتتارى ءوڭىردىڭ الەۋمەتتىك-ەكونوميكالىق دامۋىنا قوسقان ۇلەستەرى ءۇشىن «قازاقستان كونستيتۋسياسىنا 25 جىل»، «قازاقستان حالقى اسسامبلەياسىنا 25 جىل» مەرەكەلىك مەدالدارىمەن ماراپاتتالدى.
الماتى وبلىسى اكىمىنىڭ باسپا ءسوز قىزمەتى
