الماتى وبلىسىندا بيىلعى جىلعا 28 مەكتەپتىڭ قۇرىلىسى جوسپارلانعان، سونىڭ 19-ى – ءۇش اۋىسىمدىلىقتى بولدىرماۋ ماقساتىندا سالىنادى. سونىمەن قاتار جەتى مەكتەپ ىسكە قوسىلدى، سونىڭ تورتەۋى ءۇش اۋىسىمدى مەكتەپتەردىڭ ورنىنا پايدالانۋعا بەرىلدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن بريفينگ بارىسىندا الماتى وبلىسىنىڭ اكىمى اماندىق باتالوۆ ايتتى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.

– ءبىلىم بەرۋ سالاسىندا پەداگوگتارعا، وقۋشىلار مەن ستۋدەنتتەرگە قاشىقتان وقۋ مەن جۇمىس ىستەۋ تەحنولوگيالارىن مەڭگەرۋگە تۋرا كەلدى. ءبىز وبلىس بويىنشا 81 مىڭ كومپيۋتەر ساتىپ الۋعا، 12،3 ملرد تەڭگە بولدىك، 24 مىڭ مەكتەپ كومپيۋتەرى مۇقتاجدارعا ۋاقىتشا پايدالانۋعا بەرىلدى. دەمەۋشىلەر قارجىسى ەسەبىنەن قوسىمشا 2110 بىرلىك ورگتەحنيكا بەرىلدى، –  دەدى ا. باتالوۆ.

سول سياقتى ول ءوز سوزىندە 3 پەن 6 جاس ارالىعىنداعى بالالاردى مەكتەپكە دەيىنگى مەكەمەلەرمەن قامتۋ دەڭگەيى 98% جەتكەنىن دە اتاپ ءوتتى. «تاعى 166 بالاباقشا اشىپ، قامتۋ دەڭگەيىن 2022 جىلعا قاراي 100%-عا جەتكىزەمىز» دەدى سپيكەر.