ارداگەرلەرگە الدىمەن وبلىستىڭ 9 ايداعى الەۋمەتتىك-ەكونوميكالىق دامۋى تۋرالى بايانداعان وبلىس باسشىسى الداعى جوسپارلار جايىندا دا ايتىپ ءوتتى.
– ءبىز وتكەن 9 ايداعى الەۋمەتتىك-ەكونوميكالىق دامۋ قورىتىندىلارىن جاسادىق. كورسەتكىشتەرىمىز جامان ەمەس. وڭىردە مەملەكەت باسشىسى نۇرسۇلتان ءابىش ۇلى نازاربايەۆتىڭ الدىمىزعا قويعان مىندەتتەرى نەگىزىندە اۋقىمدى جۇمىستار اتقارىلۋدا. جاقىن كۇندەرى اقسۋ قانت زاۋىتىن ىسكە قوسامىز. بۇگىنگى كۇنى زاۋىت قىزىلشانى وڭدەۋگە قابىلداپ جاتىر. جاڭعىرتۋ جاسالعان كوكسۋ قانت زاۋىتى دا ءقازىر تولىققاندى جۇمىس ىستەپ تۇر. وعان سوڭعى 3 جىلدا ينۆەستورلار 3 ملرد. تەڭگەگە جۋىق قارجى قۇيدى. ماۋسىمارالىق كەزەڭدە وعان قوسا قارابۇلاق قانت زاۋىتى دا جۇمىس جاساسا، وبلىستا تۇراقتى قانت كلاستەرى قۇرىلىپ، حالىقتى قانتپەن قاماتاماسىز ەتۋگە ىقپال ەتەر ەدى، – دەدى ا. باتالوۆ.
وبلىس باسشىسى مۇنان سوڭ شەكارالىق ايماقتاردىڭ جاعدايىنا، «نۇرلى جەر»، «نۇرلى جول» باعدارلامالارىنىڭ ورىندالۋ بارىسىنا دا توقتالىپ ءوتتى. ا. باتالوۆ مەملەكەتتىك-جەكەمەنشىك ارىپتەستىك تەتىگى ارقىلى بالالاردى بالاباقشامەن قامتۋ دەڭگەيى جىل سوڭىنا دەيىن 95%-عا جەتەتىنىن دە ايتتى. سول سياقتى حالىقتى ورتالىقتاندىرىلعان اۋىز سۋمەن قامتۋعا، وبلىستىق ماڭىزداعى، اۋىلىشىلىك جولدارعا دا دا كوڭىل ءبولىنىپ وتىرعانى تىلگە تيەك ەتىلدى.
ءوز كەزەگىندە ارداگەرلەر وبلىس دامۋى، سونىڭ ىشىندە اقسۋ قانت زاۋىتىنىڭ ىسكە قوسىلۋى ەرەكشە قۋانتقانىنا اتاپ ءوتتى.
– اۋدانىمىزدىڭ تۇرعىندارى 10 جىلدان بەرى توقتاپ تۇرعان اقسۋ قانت زاۋىتىنىڭ قايتا ىسكە كىرىسكەنىنە اسا قۋانىشتى. بۇل – ۇلكەن جەتىستىك، - دەدى اقسۋ اۋداندىق ارداگەرلەر كەڭەسىنىڭ ءتوراعاسى امانگەلدى ايتبايەۆ.
«دالا ارۋى» اتانعان جۇگەرى داقىلىن ءوسىرۋدىڭ ىلگەرىلەۋىنە سوسياليستىك ەڭبەك ەرى قۇرمەتتى ازاماتى، الماتى وبلىسىنىڭ كۇلاش ايتجانوۆا ريزاشىلىعىن ءبىلدىردى.
– جۇگەرى – قاشاننان وبلىسىمىزدىڭ باسىم باعىتتاعى داقىلدارىنىڭ ءبىرى. ءقازىر زاۋىتىمىز تولىققاندى جۇمىس ىستەپ تۇر. ەندى تۇقىمنىڭ گيبريدىمەن، ءوزىمىزدىڭ تۇقىمدىق قورىمىزدى قالىپتاستىرۋعا جۇمىس ىستەۋىمىز كەرەك، – دەپ اتاپ ءوتتى ك.ايتجانوۆا.
ايتىلعان ۇسىنىس-پىكىرلەرگە ريزاشىلىعىن بىلدىرگەن وبلىس باسشىسى الداعى ۋاقىتتا تۇقىم شارۋاشىلىعىن دامىتۋعا باعىتتالعان ارنايى زەرتحانا اشىلاتىنىن ايتتى. بۇل باعىتتا ءقازىر جۇمىستار ءجۇرىپ جاتىر.
«تاقيالى پەرىشتە - 2» ءفيلمىنىڭ تالدىقورعاندا تۇساۋكەسەرىن وتكىزۋ تۋرالى ايتقان مادەنيەت سالاسىنىڭ ەڭبەك سىڭىرگەن قايراتكەرى، بەلگىلى اكتەر ءالىمعازى رايىمبەكوۆتىڭ ۇسىنىسىاكىم تاراپىنان قولداۋ تاپتى.
كەزدەسۋ سوڭىندا ارداگەرلەر وبلىستىڭ دامۋىنا جانە «رۋحاني جاڭعىرۋ» باعدارلاماسىن جۇزەگە اسىرۋعا، جاس ۇرپاقتى تاربيەلەۋگە ءوز ۇلەستەرىن قوساتىندىقتارىن جەتكىزدى.
مۇنان سوڭ اماندىق باتالوۆ ارداگەرلەرمەن بىرگە وبلىستىڭ قۇرمەتتى ازاماتى، قوعام قايراتكەرى ءباتيما ساقاۋوۆانىڭ ۇيىنە بارىپ، ۇيىمنىڭ 30 جىلدىعىمەن قۇتتىقتاپ قايتتى.
الماتى وبلىسى اكىمىنىڭ باسپا ءسوز قىزمەتى
