وبلىس ەكٸمٸ ا. باتالوۆ قۇتتىقتاۋىن 96 جاستاعى ەبٸش وشاقبايۇلىنىڭ شاڭىراعىنان باستادى. ارداگەر مايدانداعى ەرلٸگٸ ٷشٸن قىزىل جۇلدىز, ٸ دەرەجەلٸ وتان سوعىسى, قۇرمەت بەلگٸسٸ وردەندەرٸمەن, «گەرمانييانى جەڭگەنٸ ٷشٸن», «ستالينگرادتى ازات ەتكەنٸ ٷشٸن», «مايدانداعى ەرلٸگٸ ٷشٸن» مەدالدارىمەن ماراپاتتالعان. قارييامەن ەڭگٸمەلەسكەن اماندىق باتالوۆ اقساقالعا ۇزاق عۇمىر, مىقتى دەنساۋلىق تٸلەدٸ. ارداگەرگە ارناپ قالا مەكتەپتەرٸنٸڭ وقۋشىلارى وتان, ەرلٸك جايلى ٶلەڭدەر وقىدى.
مايدانداعى جىلداردى ەسٸنە العان التىناي اپا جەڭٸسكە جەتكٸزگەن وتانعا دەگەن شەكسٸز سٷيٸسپەنشٸلٸك پەن بٸرلٸك ەكەنٸن اتاپ ٶتتٸ. بۇل قۇندىلىقتار ەلٸ دە ٶز باعاسىن جويعان جوق. ٶزٸن قۇتتىقتاۋعا كەلگەن وقۋشىلارعا قاراتا دا ارداگەر ٶز تٸلەگٸن جەتكٸزدٸ:
– ەڭ باستىسى – جاقسى وقىڭدار, تەربيەلٸ بولىڭدار, اتا-انالارىڭنىڭ قۋانىشى, وتاننىڭ تٸرەگٸ بولىڭدار. بٸلٸم – بارلىق يگٸلٸكتٸڭ كٸلتٸ. قولدا بار نەرسەنٸ قادٸرلەي بٸلۋ كەرەك, بار مٷمكٸندٸكتٸ پايدالانا بٸلۋ كەرەك. بالالاردىڭ بٸز كٶرگەن قيىندىقتى كٶرمەي, بولاشاقتارى جارقىن بولۋىن تٸلەيمٸن! – دەدٸ التىناي اپا.
سٶزٸن جالعاستىرعان ارداگەر:
– وسى كٷنگە جەتكەنٸمە شٷكٸرشٸلٸك ەتەمٸن. قازٸر حالىق بەيبٸتشٸلٸك پەن تىنىشتىقتا جاقسى ٶمٸر سٷرٸپ جاتىر, كيٸمٸ كٶك, قارنى توق. سوندىقتان ەلباسىمىزعا ريزامىن. بارلىعىڭا زور دەنساۋلىق تٸلەيمٸن, – دەدٸ.
بۇدان ەرٸ قۇتتىقتاۋ سەرسەنباي قاڭتارباي اقساقالدىڭ ٷيٸندە جالعاستى. مايدان دالاسىنداعى ەرلٸگٸ ەسكەرٸلٸپ, سەرسەنباي قاريياعا ٸ جەنە ٸٸ دەرەجەلٸ ۇلا وتان سوعىسى وردەندەرٸ, «ەرلٸگٸ ٷشٸن» مەدالٸ جەنە باسقا دا ناگرادالار بەرٸلگەن. سونىمەن قاتار ارداگەر بەيبٸت ٶمٸردەگٸ ەسەلٸ ەڭبەگٸ ٷشٸن دە بٸرقاتار ماراپاتتارعا يە بولعان.
– سٸزدٸ جەڭٸس كٷنٸمەن قۇتتىقتاپ, ٶزٸڭٸزگە, جاقىندارىڭىزعا مىقتى دەنساۋلىق, ۇزاق عۇمىر تٸلەيمٸن. بٸز ەرقاشان ارداگەرلەرگە قامقورلىق كٶرسەتٸپ, قولداپ وتىرامىز. بۇل – پرەزيدەنتٸمٸزدٸڭ مەملەكەتتٸك ساياساتىنداعى باسىم باعىتتارىنىڭ بٸرٸ, - دەدٸ ا. باتالوۆ.
ٶز كەزەگٸندە سەرسەنباي اقساقال دا ريزاشىلىعىن جەتكٸزٸپ, بارشاعا بەيبٸت تە بەرەكەلٸ ٶمٸر تٸلەدٸ.
الماتى وبلىسى ەكٸمٸنٸڭ باسپاسٶز قىزمەتٸ
