سپورتتىق دودانىڭ اشىلۋ سالتاناتىنا قاتىسقان اۋداندىق پارتيا فيليالىنىڭ ءتوراعاسى، اۋدان اكىمى ب.اسانوۆ، پارتيانىڭ ماقتاارال جانە جەتىساي اۋداندىق فيليالدارىنىڭ اتقارۋشى حاتشىلارى د.اسابايەۆ جانە ءا.اساۋوۆ، وبلىستىق جانە اۋداندىق ءماسليحات دەپۋتاتتارى، جەرگىلىكتى ارداگەرلەر سايىسقا قاتىسۋشىلارعا ساتتتىلىك تىلەدى. شاعىن فۋتبولدان سايىسقا 2 كەنت پەن 9 اۋىلدىق وكرۋگتەن كەلگەن 22 كوماندا قاتىستى.
تەڭبىل دوپ باسەكەسىنىڭ قورىتىندىسى بويىنشا “ءازىمباي اتا” كومانداسى جەڭىمپاز اتانسا، ەكىنشى ورىندى “حايدار اتا” كومانداسى يەلەندى. ال، جانتاقساي اۋىلىنىڭ جاستارىنان قۇرالعان ۇجىم ءۇشىنشى ورىنعا تابان تىرەدى. جەڭىمپازدار مەن جۇلدەگەرلەرگە ديپلومدار جانە قارجىلاي سىيلىقتار تابىستالدى.
اۋدان اۋماعىندا پارتيا فيليالىنىڭ قولداۋىمەن مۇنداي سپورتتىق باسەكەلەر الداعى ۋاقىتتا دا جالعاسىن تابادى.
