اڭگىمەنىڭ اشىعىن ايتساق، ءبىزدىڭ قانداي ءالىپبيدى قولداناتىنىمىز ولار ءۇشىن ءبارى ءبىر. 25 جىلدا تۇرىپ جاتقان ەلى مەن وتانىنىڭ ءتىلىن ۇيرەنىپ الۋعا ۇمىتىلماعانداردان نە كۇتۋگە بولادى؟
ولار بولسا، ءتىل ۇيرەنۋدىڭ ادىستەمەسى قالىپتاسپاعانىن ايتىپ، سىنىققا سىلتاۋ ىزدەۋمەن بولدى.
بۇگىندە قاجەت بولعاندىقتان ميلليونداعان ادام از عانا ۋاقىتتىڭ ىشىندە اعىلشىن ءتىلىن ۇيرەنىپ الىپ جاتىر. ءوز باسىم اعىلشىن ءتىلىن ۇيرەتەتىن عالامات ادىستەمەسى بار دەپ ايتا المايمىن. ەڭ باستى قوزعاۋشى كۇش اعىلشىن تىلىنە دەگەن قاجەتتىلىك. ال بىزدەر تاۋەلسىزدىك 25 جىل وتسە دە، قازاق ءتىلىن ۇيرەنۋگە ىقىلاسى اۋعان جۇرتتى كورە الماي كەلەمىز.
ءتىل ۇيرەنۋگە قۇلىقسىز جاندار 42 تاڭبالى كيريل الىپبيىمەن جۇرە بەرگەندى قالايدى.
ولار – ءال-فارابي، اباي، ماحامبەت، شاكارىم، قۇرمانعازى، اۋەزوۆتى (قازاقتىڭ عۇلامالارى قانداي ءالىپبيدى پايدالانعانىن بىلە مە ەكەن؟) دۇنيەگە اكەلگەن حالىقتىڭ تاريحىن تانىپ بىلۋگە ەش ۋاقىتتا ۇمتىلعان ەمەس.
ولار ءبىزدىڭ اراب تىلىندە جازىلعان كونە تاريحىمىزدى قۇرتۋ ءۇشىن نە ىستەمەدى دەسەڭىزشى؟
ولار بەيىمبەت پەن ءىلياستىڭ قازاقتىڭ مىڭجىلدىق تاريحى مەن مادەنيەتى تۋراسىندا جازعان حاتتارىن ەش ۋاقىتتا وقىمادى.
ولار تاريحىن تانىتۋعا ۇمىتىلعان ۇلتجاندى ازاماتتار سەكىلدى كونە قولجازبالاردى ەجىكتەپ وقىپ، قينالعان جوق. سوندىقتان ولاردى قازاق ءتىلىنىڭ تاعدىرى ەش ۋاقىتتا قىزىقتىرمايدى.
ولاردىڭ ءبىرى قوعامنىڭ وزگەرىسسىز قالعانىن قالاسا، ەندى ءبىرى ۇيرەنشىكتى دۇنيەلەر كۇندەلىكتى ومىرىمىزدە ءوزىنىڭ ستاتۋسىن جوعالتپاۋى ءۇشىن جانىن سالىپ كۇرەسەدى.
ولار لاتىنشاداعى ماتىندەردى كومپيۋتەرلىك باعادارلامالاردىڭ كومەگىمەن قيسىق كيريلشەگە اۋدارا سالعاندى ءجون سانايدى. وزدەرى شەتەلگە شىعىپ، ەلەكتروندى ادەرستەر مەن دومەندەردى تەرىپ، قىمبات Mercedes، Toyota كولىكتەرىن ساتىپ العاندا لاتىن ءالىپبيىن ەركىن قولدانىپ، بارىنشى قىزىعىن كورەدى. سوندىقتان لاتىن الىپبيىنە كوشۋ ماسەلەسى تارتىسقا تۇسكەن ساتتە ءبىز دە قاراپ قالماۋىمىز كەرەك. لاتىن الىپبيىنە كوشۋىمىز قازاقستاننىڭ تەحنولوگيالىق باسەكەلەستىككە قۇلاش ۇرۋى، كەرەك دەسەڭىز ۇلتىمىزدىڭ تاعدىرى دەپ قاراستىرۋمىزعا بولادى.
ءاليxان بايمەنوۆ
دەرەككوزى: qazaquni.kz
