بەرليندە 65ء-شى رەت ۇيىمداستىرىلعان «التىن ايۋ» كينو بايقاۋىنىڭ باس جۇلدەسى يراندىق رەجيسسەر دجافار ءپاناحيدىڭ قانجىعاسىندا كەتتى. بايقاۋ بارىسىندا ونىڭ «تاكسي» دەگەن تۋىندىسى ۇزدىك دەپ تانىلعان. 

رەجيسسەر ءوزىنىڭ ساياسي كوزقاراسىنا بايلانىستى بايقاۋعا قاتىسا الماعانىن ايتا كەتۋىمىز كەرەك. ويتكەنى، يران بيلىگى ونىڭ ەلدەن شىعۋىنا ۇزىلدى-كەسىلدى تىيىم سالعان بولاتىن. قازىرگى تاڭدا دجافار ءپاناحيدىڭ شىعارماشىلىق جۇمىسپەن اينالىسۋىنا دا توسقاۋىل قويىلعان. بايقاۋدى ۇيىمداستىرۋشىلار «تاكسي» ءفيلمىنىڭ رەجيسسەرىنە كورسەتىلگەن ساياسي قىسىمنىڭ بۇل جەردە ەشقانداي قاتىسى جوق ەكەنىن ايتتى. مامانداردىڭ پايىمداۋىنشا، بۇل ءفيلمدى العاش كورگەن ادامدار دەرەكتى فيلممەن شاتاستىرىپ الۋى مۇمكىن. ءبىراق وقيعا جەلىسى، تاكسيشىنىڭ ءتۇرلى ادامدارمەن تىلدەسىپ، ءتۇرلى وقيعالارعا تاپ بولۋى شىنايى ءومىردى ءدال بەينەلەيتىنىن كوركەم تۋىندى ەكەنىن بايقاۋعا بولادى ەكەن. فيلمدە د. ءپاناحيدىڭ ءوزى تاكسيشىنىڭ ءرولىن سومداعان.