«التايتانۋ» عىلىمي-زەرتتەۋ ورتالىعى ورالحان بوكەي اتىنداعى ورتالىق قالالىق كىتاپحانامەن بىرلەسە وتىرىپ، قازاقستاننىڭ، سونىڭ ىشىندە ءبىزدىڭ ءوڭىردىڭ دەموگرافياسى مەن تاريحىنا ارنالعان عىلىمي جانە عىلىمي-كوپشىلىك باسىلىمدارعا QR-كود بەرۋدى جۇزەگە اسىردى.
بۇل مونوگرافيالار، وقۋلىقتار، وقۋ قۇرالدارى، انىقتامالىقتار، عىلىمي ەڭبەكتەر جيناقتارى. «تاريح»، «حالىقارالىق قاتىناستار» جانە «سيفرلىق گۋمانيتارلىق عىلىمدار» ماماندىقتارىنىڭ ستۋدەنتتەرىنە سوڭعى ءۇش جىلدا عىلىمي ورتالىق ۇجىمى دايىنداعان جانە كىتاپحانا سايتىندا جاريالانعان ون ءبىر باسىلىم ۇسىنىلدى. بۇل ۇلكەن جۇمىس ستۋدەنتتەرگە QR-سىلتەمەلەر ارقىلى جاڭا ءبىلىم ىزدەۋ ۋاقىتىن قىسقارتۋ ءۇشىن جاسالدى.
– بۇگىن ءبىز «التايتانۋ» عزو-نىڭ ورتالىق قالالىق كىتاپحانامەن ىنتىماقتاستىعىنىڭ ناتيجەسىن تانىستىرامىز. ايتا كەتۋ كەرەك، العاشقى ون ءبىر كىتاپتى QR-كودتاۋ – بۇل تەك باستاماسى عانا. ءبىز بولاشاقتا ولاردىڭ تىزبەسىن كەڭەيتۋدى كوزدەپ وتىرمىز. سونىمەن قاتار، كورمەگە كەلۋشىلەردى «شىعىس قازاقستان حالىقتارى» جانە «تاۋەلسىزدىك ساۋلەتى: شىعىس قازاقستان» اتتى شىندىققا تولى ەكى 3-D كىتاپتارمەن تانىستىردىق، ولاردى جاساۋ ءۇشىن ءبىز شىعىس قازاقستان وبلىسى ءبىلىم باسقارماسىنىڭ ايماقتىق جاڭا تەحنولوگيالار ورتالىعىمەن بىرلەسىپ جۇمىس ىستەدىك، – دەدى «التايتانۋ» عزو ديرەكتورى جاننا اۋباكىروۆا.
QR-كودتاۋ – بۇل اقپاراتقا كەڭىنەن قول جەتكىزۋدى قامتاماسىز ەتەتىن جاڭا تەحنولوگيا. ەندى وقىرمان كىتاپتىڭ ۆيرتۋالدى نۇسقاسىمەن تانىسۋعا مۇمكىندىك الادى، بۇل ءۇشىن QR كودىن جۇكتەۋ جەتكىلىكتى. جاڭا تەحنولوگيالار جاڭا بىلىمگە قول جەتكىزۋدى قامتاماسىز ەتۋگە جانە جاستاردىڭ نازارىن عىلىمي زەرتتەۋلەردىڭ ناتيجەلەرىنە اۋدارۋعا ارنالعان.
و. بوكەيحان اتىنداعى ورتالىق قالالىق كىتاپحانا ديرەكتورىنىڭ ورىنباسارى ۋنيۆەرسيتەتتىڭ عىلىمي ورتالىعىمەن ىنتىماقتاستىق ءبىر-بىرىن تولىقتىرا تۇسكەنىن اتاپ ءوتتى:
– ءبىز ماماندارىمىز ازىرلەگەن ۆيرتۋالدى لوكاسيالاردى كورسەتتىك، ال «التايتانۋ» عزو عىلىمي قىزمەتكەرلەرى 3-D كىتابىن ۇسىندى. وسىلايشا تاجىريبە الماسۋ جۇرەدى جانە ەڭ باستىسى، ءبىز زاماناۋي كىتاپحانا – بۇل ستۋدەنتتەرگە ءاردايىم قۋانىشتى، كوپتەگەن قىزىقتى جانە پايدالى نارسەلەردى تابا الاتىن ورىن ەكەنىن كورسەتەمىز.
كورمە اياسىندا ستۋدەنتتەر كىتاپحانا قىزمەتكەرلەرىنىڭ كومەگىمەن ۆيرتۋالدى شىندىق بويىنشا ساياحاتتاۋعا ارنالعان ورىنعا اينالعان بىرەگەي كيىز ۇيگە بارۋ مۇمكىندىگىنە يە بولدى. كوشپەندىلەردىڭ ءداستۇرلى تۇرعىن ءۇيى VR تەحنولوگيالارى بار زاماناۋي كەڭىستىككە اينالدى. ۆيرتۋالدى ەكسكۋرسيا جاساپ، قوناقتار وزدەرىن ەسكى وسكەمەننىڭ تۇرعىندارى رەتىندە سەزىنىپ، قازاقستاننىڭ كيەلى جەرلەرىن ارالادى.
– بۇل جوبا مادەني مۇرانى ساقتاۋعا، ولكەتانۋ ءبىلىمىن تاراتۋعا باعىتتالعان. مۇندا حح عاسىردىڭ باسىنداعى جانە 1990 جىلدارداعى وسكەمەن قالاسى كورسەتىلگەن. ساۋلەت عيماراتتارى ءوزىنىڭ باستاپقى كورىنىسىندە جاڭعىرتىلعان: حالىق ءۇيى، ءبىزدىڭ قالامىزدىڭ كارتاسىندا جوق حريستيان سوبورى. وسىنىڭ ءبارىن مۇراعاتتىق فوتوسۋرەتتەردەن قالپىنا كەلتىردىك. ءبىز رەاليزم مەن تاريحي دالدىككە سۇيەندىك. مۇندا تەك ستۋدەنتتەر مەن عالىمداردى عانا ەمەس، سونداي-اق ءبىزدىڭ ولكەمىزدىڭ تاريحىنا جول اشقان بارشانى دا كەلۋگە شاقىرامىز، – دەپ اتاپ ءوتتى و. بوكەي اتىنداعى ورتالىق قالالىق كىتاپحانانىڭ VR-جوبالارىن جاساۋشى ءالىم جۇماعازييەۆ.
بولاشاق پەداگوگتار، كىتاپحاناشىلار، مۇراجاي قىزمەتكەرلەرى VR-جانە 3D - جوبالارى قۇرىلاتىن جاڭا باعدارلامالاردى پايدالانۋ بويىنشا شاعىن شەبەرلىك ساباعىن الدى. كەيبىر ستۋدەنتتەردىڭ 3D-مودەلدەۋ باعدارلامالارىندا بازالىق داعدىلارى بار، الايدا كىتاپحانامەن ىنتىماقتاستىقتا جوسپارلانعان وقىتۋ سەمينارلارىنىڭ ارقاسىندا ولار QR-كودتاۋ سالاسىندا جاڭا ءبىلىم الا الادى.
– بۇگىنگى كەزدەسۋ وتە پايدالى بولدى. مەن VR تەحنولوگيالارى تۋرالى كوپ نارسە ءبىلدىم. ورالحان بوكەي اتىنداعى كىتاپحاناعا ساياحات وتە قىزىقتى بولدى، ءبىز 3D-كيىز ءۇيدى كوردىك. سونداي-اق، ءبىزدى 3D مودەلدەردى قۇرۋ تەحنولوگيالارىمەن تانىستىردى، - دەدى س.امانجولوۆ اتىنداعى شقۋ ستۋدەنتى ولجاس نۇرلانوۆ.
ۋنيۆەرسيتەت پەن كىتاپحانانىڭ الداعى جوسپارىندا – ستۋدەنتتەردىڭ جاڭا ادەبيەتكە "ءبىر شەرتۋمەن" تەز قول جەتكىزۋى ءۇشىن عىلىمي ەڭبەكتەر جيناقتارىن، مونوگرافيالار مەن وقۋلىقتاردى QR-كودتاۋ سالاسىندا بىرلەسكەن قىزمەتتى جالعاستىرۋ بار.
