شىعىس قازاقستان وبلىسىنداعى كەيبىر ايماقتارىنداعى مەكەمەلەرگە جىلۋ بەرىلە باستادى. وسىلايشا شىعىسقازاقستاندىقتار قىستى قارسى الۋدىڭ قامىنا كىرىسىپ كەتتى.

شقو اكىمدىگىنىڭ ءتيىستى ورىندارىنىڭ تاراتقان مالىمەتىنشە، 25 قىركۇيەك كۇنى التاي قالاسىنداعى 69 الەۋمەتتىك نىسانعا جىلۋ بەرىلگەن.

التاي قالاسىندا اۋا رايىنىڭ ورتاشا تەمپەراتۋراسى – 15 گرادۋس جىلى. تۇندە گرادۋس ءتىلى تومەنگە ءتۇسىپ كەتەدى.

ايتا كەتەيىك، 24-26 قىركۇيەك كۇندەرى تۇندە اۋا تەمپەراتۋراسى 3 گرادۋسقا دەيىن تومەندەپ، قاتقاق جۇرەتىنىن «قازگيدرومەت» تە حابارلاعان بولاتىن.

– 69 نىساننىڭ باسىم كوپشىلىگى – بالاباقشا، مەكتەپ جانە ەمحانالار. ولار جىلۋ بەرۋ ماۋسىمىنا دايىن ەكەنىن راستادى، – دەدى قالا اكىمى كونستانتين پەرەدەلسكيي.