نۇر-سۇلتان قالاسى اكىمى التاي كولگىنوۆ جاڭادان سالىنعان جاتاقحانالاردا مۇعالىمدەردىڭ قالاي ءومىر سۇرەتىنىمەن جانە ءبىلىم بەرۋ نىساندارىنىڭ قۇرىلىس جۇمىستارىمەن تانىستى.

كەشكىلىك ارالاۋ كەزىندە ەلوردا اكىمى № 40، № 8 جانە № 60 مەكتەپتەرگە باردى. اكىم عيماراتتاردىڭ اۋماعىنداعى جاڭا ءبىلىم نىساندارى بولادى.

مەكتەپتەردە سالىنىپ جاتقان جاڭا عيماراتتار ءۇش اۋىسىمدى وقىتۋدان ەكى اۋىسىمدى وقىتۋعا كوشۋگە مۇمكىندىك بەرەدى. مەكتەپتەردىڭ شامادان تىس جۇكتەمەسىن جەڭىلدەتەدى جانە جاڭا وقۋشى ورىندارىمەن قامتيدى. تاپسىرۋ مەرزىمى-2020 جىل.

سونداي-اق، قالا اكىمى جاڭا جاتاقحانادا تۇراتىن ۇستازدارمەن كەزدەستى. جاس مۇعالىمدەردىڭ ءومىر سۇرۋىنە ارنالعان ىڭعايلى ورتالىق بيىلعى جىلدىڭ كۇزىندە اشىلماقشى. جاتاقحانا 350 ورىنعا ەسەپتەلگەن.

ورتالىقتا شاحمات، ۇستەل تەننيسى، كىتاپحانا، اسحانا جانە وقۋ سىنىپتارى بار. كەزدەسۋ بارىسىندا مۇعالىمدەر ەلوردا اكىمىنەن 17 مىڭ تەڭگەنى قۇرايتىن جالداۋ قۇنىن تومەندەتۋدى سۇرادى. التاي كولگىنوۆ بۇل يدەيانى قولدادى.