2025-2026 وقۋ جىلىنىڭ الماتى مەكتەپتەرٸنٸڭ تٷلەكتەرٸ قالانىڭ بٸلٸم بەرۋ حابى رەتٸندەگٸ مەرتەبەسٸن تاعى بٸر مەرتە دەلەلدەپ, حالىقارالىق دەڭگەيدە جوعارى بەسەكەگە قابٸلەتتٸلٸگٸن كٶرسەتٸپ كەلەدٸ. جىل باسىنان بٷگٸنگٸ كٷنگە دەيٸن شاھاردىڭ جٷزدەگەن 11-سىنىپ وقۋشىسى اقش, ۇلىبريتانييا, شۆەيتسارييا, فرانتسييا, اۋسترييا, گونكونگ, سينگاپۋر, وڭتٷستٸك كورەيا جەنە تٷركييانىڭ جەتەكشٸ ۋنيۆەرسيتەتتەرٸنەن شاقىرتۋ مەن بٸلٸم گرانتتارىن الدى, دەپ حابارلايدى dalanews.kz.
الماتىلىق وقۋشىلار ەسٸرەسە, جاساندى ينتەللەكت (AI), بيوحيمييالىق ينجەنەرييا, IT, حالىقارالىق لوگيستيكا جەنە تسيفرلىق كوممۋنيكاتسي سيياقتى سۇرانىسقا يە ەرٸ تەحنولوگييالىق باعىتتار بويىنشا گرانتتارعا ەرەكشە كٶڭٸل بٶلٸپ وتىر.
ٷزدٸك ۋنيۆەرسيتەتتەردەن شاقىرتۋ الۋ سانى بويىنشا دەستٷرلٸ تٷردە بوستاندىق اۋدانىنىڭ تٷلەكتەرٸ كٶش باستاپ كەلەدٸ. بيىلعى جارقىن جەتٸستٸكتەردٸڭ قاتارىندا:
سەليما دەۋلەتكەرەي (№105 گيمنازييا), حيمييا پەنٸنەن حالىقارالىق وليمپيادانىڭ كٷمٸس جٷلدەگەرٸ, ەلەمدەگٸ ەڭ بەدەلدٸ تەحنولوگييالىق ينستيتۋتتاردىڭ بٸرٸ — EPFL-گە (شۆەيتسارييا) «بيوحيمييالىق ينجەنەرييا» ماماندىعىنا, سونداي-اق گرونينگەن ۋنيۆەرسيتەتٸنە (نيدەرلاند) شاقىرتۋ الدى.
ارايلىم مۇحاجان (№92 مامانداندىرىلعان ليتسەي), ماتەماتيكا جەنە فيزيكا بويىنشا حالىقارالىق وليمپيادالاردىڭ جەڭٸمپازى, بٸردەن ٷش ٸرٸ ۋنيۆەرسيتەتتەن شاقىرتۋ الدى: DePauw University (اقش), Saint Louis University (اقش) جەنە Duke Kunshan University (قحر).
جانەل تەن (№22 مەكتەپ-گيمنازييا), فرانتسۋز تٸلٸ بويىنشا رەسپۋبليكالىق وليمپيادانىڭ جٷلدەگەرٸ, ستراسبۋرگ ۋنيۆەرسيتەتٸنە (فرانتسييا) وقۋعا قابىلداندى.
مۇحامەدجان تٶلەۋبەك (№140 گيمنازييا), روبوتوتەحنيكادان حالىقارالىق جارىستاردىڭ جٷلدەگەرٸ, South China University of Technology ۋنيۆەرسيتەتٸنٸڭ «جاساندى ينتەللەكت» يننوۆاتسييالىق باعىتىنا تٷستٸ.
ارايلىم مۇحامەتقالي (№92 مامانداندىرىلعان ليتسەي) Massachusetts University (اقش), Suffolk University (اقش) جەنە The Hong Kong Polytechnic University (گونكونگ) ۋنيۆەرسيتەتتەرٸنەن شاقىرتۋ الدى.
ەۋروپا جەنە ازييا باعىتتارىندا المالى اۋدانىنىڭ تٷلەكتەرٸ دە جوعارى بەلسەندٸلٸك كٶرسەتۋدە (31 وقۋشى).
ەۋەزوۆ اۋدانىندا بيىلعى 3099 تٷلەكتٸڭ 23-ٸ بەدەلدٸ ۋنيۆەرسيتەتتەردٸڭ گرانتتارىن الۋعا ماقساتتى تٷردە دايىندالعان. قازٸرگٸ تاڭدا اۋدان بويىنشا حالىقارالىق تٸزٸمدەردە 134 شاقىرتۋ تٸركەلگەن. ەڭ تانىمال باعىتتار — گونكونگ پەن قحر (60 وقۋشى), اقش (17), ەۋرووداق ەلدەرٸ — اۋسترييا, چەحييا, سلوۆاكييا, ماجارستان, فينلياندييا, فرانتسييا, يتالييا (19), تٷركييا (5), وڭتٷستٸك كورەيا (5) جەنە ۇلىبريتانييا (3).
الاتاۋ اۋدانىندا 2859 تٷلەكتٸڭ 28-ٸ شەتەلدٸك جوعارى وقۋ ورىندارىنا ٸرٸكتەۋدەن سەتتٸ ٶتتٸ. ولاردىڭ دەنٸ قىتاي (13), چەحييا (3) جەنە تٷركييا (2) ۋنيۆەرسيتەتتەرٸنٸڭ گرانتتارىن يەلەندٸ. سونداي-اق اۋدان تٷلەكتەرٸ اقش, وڭتٷستٸك كورەيا, جاپونييا جەنە ەزٸربايجان ۋنيۆەرسيتەتتەرٸنە قابىلداندى.
ناۋرىزباي اۋدانىندا 5 تٷلەك شەتەلدٸك ۋنيۆەرسيتەتتەردٸڭ اتاۋلى بٸلٸم گرانتتارىنىڭ يەگەرٸ اتاندى. ولار «IT» (مەسكەۋ ۋنيۆەرسيتەتٸ), «پەداگوگيكا» (City University Malaysia), «حالىقارالىق لوگيستيكا جەنە ساۋدا» (Kent University, ىستامبۇل), «مەنەدجمەنت» (Karabük University) جەنە «تسيفرلىق كوممۋنيكاتسييا» (گونكونگ ۋنيۆەرسيتەتٸ) ماماندىقتارى بويىنشا بٸلٸم الادى.
تٷركسٸب جەنە جەتٸسۋ اۋداندارى دا تۇراقتى جوعارى نەتيجە كٶرسەتٸپ كەلەدٸ:
تٷركسٸب اۋدانىندا 11 تٷلەك رەسەي (8), قىتاي (2) جەنە تٷركييا (1) ۋنيۆەرسيتەتتەرٸندە بٸلٸمٸن جالعاستىرادى.
جەتٸسۋ اۋدانىندا №118 مەكتەپ-گيمنازيياسى مەن №80 جالپى بٸلٸم بەرەتٸن مەكتەپ تٷلەكتەرٸ حالىقارالىق بەسەكەگە قابٸلەتتٸلٸكتٸڭ جوعارى دەڭگەيٸن دەلەلدەدٸ: وقۋشىلار قىتاي, رەسەي ۋنيۆەرسيتەتتەرٸنە جەنە ەۋروپانىڭ ٸرٸ مەدەني-عىلىمي ورتالىقتارىنىڭ بٸرٸ — ۆەناعا (اۋسترييا) وقۋعا تٷستٸ.
