الماتىداعى ەدي شەرٸپوۆ كٶشەسٸندە ورنالاسقان 13 قاباتتى تۇرعىن ٷي كەشەنٸندە بولعان ٶرت كەزٸندە بٸر ەيەل قازا تاپتى. وقيعا ورنىنان 148 ادام, ونىڭ ٸشٸندە توعىز بالا قۇتقارىلدى, دەپ حابارلايدى dalanews.kz.
23 تامىز كٷنٸ ساعات 22:49-دا «101» پۋلتٸنە ەدي شەرٸپوۆ كٶشەسٸ, 145 مەكەنجايىنداعى تۇرعىن ٷي كەشەنٸندە ٶرت شىققانى تۋرالى حابار تٷسكەن. العاشقى ٶرت سٶندٸرۋ بٶلٸمشەلەرٸ بەس مينۋت ٸشٸندە وقيعا ورنىنا جەتكەن.
قۇتقارۋشىلار كەلگەن كەزدە ەكٸنشٸ كٸرەبەرٸستٸڭ تەحنيكالىق بٶلمەسٸ مەن قاباتتارىنداعى كابەلدەر, سونداي-اق بٸرٸنشٸ كٸرەبەرٸستٸڭ 7-13 قاباتتارىنداعى ەلەكتر قالقاندارى جانىپ جاتقانىن انىقتاعان.
جەدەل جٷرگٸزٸلگەن جۇمىستاردىڭ نەتيجەسٸندە ٶرت ساعات 23:57-دە وقشاۋلانىپ, 00:14-تە تولىق سٶندٸرٸلگەن.
قۇتقارۋشىلار ارنايى تىنىس الۋ اپپاراتتارى مەن قۇتقارۋ قالپاقتارىن پايدالانىپ, باسپالداق ارقىلى عيماراتتان 148 ادامدى, ونىڭ ٸشٸندە توعىز بالانى شىعارعان. تٶرت ادام اۋرۋحاناعا جەتكٸزٸلدٸ.
زارداپ شەككەندەردٸڭ بٸرٸ عيمارات ٸشٸنەن ەس-تٷسسٸز كٷيدە تابىلعان. وقيعا ورنىنا كەلگەن مەديتسينا قىزمەتكەرلەرٸ رەانيماتسييالىق شارالار جٷرگٸزگەنٸمەن, ەيەلدٸڭ ٶمٸرٸن ساقتاپ قالۋ مٷمكٸن بولماعان.
ٶرتتٸ سٶندٸرۋگە تٶتەنشە جاعدايلار دەپارتامەنتٸنٸڭ شامامەن 90 قىزمەتكەرٸ مەن 25 ارنايى تەحنيكاسى جۇمىلدىرىلدى.
تجد مەلٸمەتٸنشە, ٶرتتٸڭ ٶرشۋٸنە ٶرت تۋرالى حاباردىڭ كەش تٷسۋٸ سەبەپ بولۋى مٷمكٸن. تۇرعىنداردىڭ الدىن الا مەلٸمەتٸ بويىنشا, اۆتوماتتى ٶرت دابىلى ٶرت سٶندٸرۋ بٶلٸمشەلەرٸنە قوڭىراۋ شالىنعانعا دەيٸن شامامەن بٸر جارىم ساعات بۇرىن ٸسكە قوسىلعان. الايدا وسى ارالىقتا ٶرتكە قارسى قىزمەتكە تيٸستٸ حابارلاما تٷسپەگەن.
بۇعان دەيٸن ٶرت-تەحنيكالىق تەكسەرۋ بارىسىندا انىقتالعان ٶرت قاۋٸپسٸزدٸگٸ تالاپتارىنىڭ بۇزۋشىلىقتارىن جويۋ جٶنٸندە جاۋاپتى تۇلعالارعا نۇسقاما بەرٸلگەن.
قازٸرگٸ ۋاقىتتا ٶرتتٸڭ ناقتى شىعۋ سەبەبٸ انىقتالىپ جاتىر.
