بٷگٸن الماتىداعى بوستاندىق اۋداندىق سوتىندا جۋرناليست گٷلنار باجكەنوۆاعا قاتىستى قىلمىستىق ٸس بويىنشا باستى سوت تالقىلاۋى ٶتٸپ جاتىر. ٸستٸ سۋديا ەلەنا كۆان قاراپ جاتىر. مەملەكەتتٸك ايىپتاۋشى سوتتا ايىپتاۋ اكتٸسٸن وقىپ, تاراپتار العاشقى پروتسەسسۋالدىق ۇستانىمدارىن جارييالادى, دەپ حابارلايدى dalanews.kz.
سوت وتىرىسىنىڭ باسىندا قورعاۋشى ولگا كيم بٸرنەشە ٶتٸنٸشحات جولداپ, تەرگەۋ بارىسىندا بٸرقاتار زاڭبۇزۋشىلىقتارعا جول بەرٸلگەنٸن مەلٸمدەدٸ. قورعاۋ تاراپىنىڭ ۋەجٸنشە, جەتٸ ايعا سوزىلعان تەرگەۋ بارىسىندا 18 تومدىق قىلمىستىق ٸس جينالعانىمەن, باجكەنوۆادان نەبەرٸ ەكٸ رەت, ەرقايسىسى شامامەن 15 مينۋتتان عانا جاۋاپ الىنعان.
ٶز كەزەگٸندە گٷلنەرا باجكەنوۆا ٶزٸنە تاعىلعان ايىپتاردى مويىندامايتىنىن ايتتى.
“جەتٸ ايدىڭ ٸشٸندە 18 توم قىلمىستىق ٸس جينالدى. بٸراق مەنٸ بار بولعانى ەكٸ رەت قانا جاۋاپقا شاقىردى. ەر جاۋاپ الۋ شامامەن 15 مينۋتقا عانا سوزىلدى”, – دەدٸ ول.
سونداي-اق سوتتالۋشى اقشا اۋدارىمدارىنا قاتىستى تٷسٸنٸكتەمە بەرٸپ, قاراجاتتى زاڭسىز يەمدەنبەگەنٸن جەتكٸزدٸ.
باجكەنوۆانىڭ ايتۋىنشا, كەڭسەدەن تابىلعان اقشانىڭ بٸر بٶلٸگٸ قىزمەتكەرلەردٸڭ قاراشا ايىنداعى جالاقىسىن تٶلەۋگە ارنالعان.
“بۋحگالتەردٸڭ جانىنان تابىلعان اقشا قىزمەتكەرلەردٸڭ جالاقىسىنا ارنالعان ەدٸ. ول كەزدە 1 جەلتوقسان بولاتىن, بٸز قاراشا ايىنىڭ ەڭبەكاقىسىن تٶلەۋگە دايىندالىپ جاتقانبىز”, – دەدٸ ول.
سونداي-اق جۋرناليست كابينەتٸ مەن پەتەرٸنەن الىنعان قاراجاتتىڭ ٶزٸنە تيەسٸلٸ ەكەنٸن ايتىپ, ونىڭ پەتەردٸ جٶندەۋ جۇمىستارىنا جۇمسالۋى تيٸس بولعانىن جەتكٸزدٸ.
“كابينەتٸمدەگٸ اقشا دا, ٷيٸمنەن الىنعان اقشا دا – ٶزٸمنٸڭ جەكە قاراجاتىم. پەتەر جٶندەۋ جۇمىستارىمەن اينالىسىپ جٷرگەندٸكتەن, ول اقشا ٷنەمٸ ٶزٸمدە بولاتىن. تەرگەۋ كەزٸندە ونىڭ قايدان كەلگەنٸن تولىق تٷسٸندٸردٸم. تەكسەرۋ نەتيجەسٸندە قاراجاتتىڭ زاڭدى تابىس ەكەنٸ راستالدى. ونىڭ “ورداعا” دا, قىلمىستىق ٸس بويىنشا قارالىپ جاتقان بٸردە-بٸر ەپيزودقا دا قاتىسى جوق. بۇل – ٶز ەڭبەگٸممەن تاپقان جەكە قاراجاتىم”, – دەدٸ باجكەنوۆا.
بۇدان بٶلەك, باجكەنوۆا زاڭسىز كەسٸپكەرلٸك تۋرالى ايىپپەن دە كەلٸسپەيتٸنٸن مەلٸمدەدٸ. ونىڭ سٶزٸنشە, ٸس ماتەريالدارىندا كٶرسەتٸلگەن جىلجىمايتىن مٷلٸك مەمٸلەلەرٸ كەسٸپكەرلٸك قىزمەتكە ەمەس, جەكە تۇرعىن ٷيٸنە قاتىستى بولعان. سونىمەن قاتار ول باستاپقىدا ٶزٸن ٶزٸ قورعاۋدى كٶزدەگەنٸمەن, زاڭ تالاپتارىنا سەيكەس مەملەكەتتٸك قورعاۋشىمەن جۇمىس ٸستەۋگە مەجبٷر بولعانىن ايتتى.
ال جەبٸرلەنۋشٸ تاراپتىڭ ٶكٸلدەرٸ قورعاۋ تاراپىنىڭ ۋەجدەرٸمەن كەلٸسپەيتٸنٸن بٸلدٸرٸپ, بٸرنەشە قارسى ٶتٸنٸشحات ۇسىندى. “ەسكاد” جشس-نٸڭ ادۆوكاتى باجكەنوۆانىڭ كەيبٸر مەلٸمدەمەلەرٸ شىندىققا سەيكەس كەلمەيتٸنٸن ايتىپ, سوتتالۋشىنىڭ كومپانييا اتىنا سوتقا دەيٸنگٸ تالاپ-ارىز جولدانعانى تۋرالى سٶزٸ دۇرىس ەمەس ەكەنٸن مەلٸمدەدٸ.
قازٸرگٸ ۋاقىتتا سوت وتىرىسى جالعاسىپ جاتىر. سوت بارلىق ٶتٸنٸشحاتتى قاراپ, ولارعا قۇقىقتىق باعا بەرگەننەن كەيٸن ٸستٸ مەنٸ بويىنشا قاراۋعا كٶشەدٸ.
ەسكە سالايىق, گٷلنەرا باجكەنوۆاعا قازاقستان رەسپۋبليكاسى قىلمىستىق كودەكسٸنٸڭ 189-بابى (“سەنٸپ تاپسىرىلعان بٶتەننٸڭ مٷلكٸن يەمدەنۋ نەمەسە ىسىراپ ەتۋ”), 214-بابى (“زاڭسىز كەسٸپكەرلٸك”) جەنە 274-بابى (“كٶرٸنەۋ جالعان اقپارات تاراتۋ”) بويىنشا ايىپ تاعىلعان. 2025 جىلعى 1 جەلتوقساننان بەرٸ ول ٷيقاماقتا وتىر.
