الماتىدا دارىندى بالالارعا ارنالعان «اباي ۇلتتىق مەكتەبٸنٸڭ» جاڭا كامپۋسى سالتاناتتى تٷردە اشىلدى. بۇل – ەلدەگٸ بٸلٸم بەرۋ سالاسى ٷشٸن ماڭىزدى جوبالاردىڭ بٸرٸ. زاماناۋي ٷلگٸدە سالىنعان جاڭا بٸلٸم ورداسى وقۋشىلاردىڭ ساپالى بٸلٸم الىپ, جان-جاقتى دامۋىنا بارلىق مٷمكٸندٸك جاساپ وتىر, دەپ حابارلايدى dalanews.kz.
سالتاناتتى شاراعا قر پارلامەنتٸ سەناتىنىڭ تٶراعاسى مەۋلەن ەشٸمباەۆ, وقۋ-اعارتۋ مينيسترٸ جۇلدىز سٷلەيمەنوۆا, الماتى قالاسىنىڭ ەكٸمٸ دارحان ساتىبالدى, مەملەكەت جەنە قوعام قايراتكەرلەرٸ, بٸلٸم سالاسىنىڭ ارداگەرلەرٸ, ۇستازدار مەن مەكتەپ تٷلەكتەرٸ قاتىستى.
جاڭا كامپۋس الماتى قالاسىنداعى «دارىن» شاعىن اۋدانىندا ورنالاسقان. 900 ورىنعا ارنالعان كەشەندە كەڭ پەندٸك زەرتحانالار, سپورت جەنە اكت زالدارى, STEM-ورتالىق, كٸتاپحانا, شىعارماشىلىق شەبەرحانالار, اباي مۋزەيٸ, باسسەين مەن سپورت الاڭدارى قاراستىرىلعان. سونىمەن قاتار مۇعالٸمدەر ٷيٸ مەن 350 ورىندىق جاتاقحانانىڭ قۇرىلىسى جٷرگٸزٸلٸپ جاتىر.
قازٸرگٸ تاڭدا مەكتەپتە 351 وقۋشى بٸلٸم الىپ جاتىر. ولارعا 72 پەداگوگ دەرٸس بەرەدٸ. ولاردىڭ قاتارىندا پەداگوگ-شەبەرلەر, زەرتتەۋشٸلەر, ساراپشىلار مەن مودەراتورلار بار.
رەسمي شارا بارىسىندا قوناقتار وقۋشىلاردىڭ عىلىمي جوبالار كٶرمەسٸن تاماشالاپ, ديزاين جەنە تەحنولوگييا كابينەتتەرٸ, كەراميكا شەبەرحاناسى, مەكتەپ مۋزەيٸ مەن شىعارماشىلىق الاڭداردىڭ جۇمىسىمەن تانىستى.
سالتاناتتى جيىندا سٶز سٶيلەگەن مەۋلەن ەشٸمباەۆ مەملەكەت باسشىسى بٸلٸم ساپاسىن ارتتىرۋ مەسەلەسٸنە ەرەكشە كٶڭٸل بٶلٸپ وتىرعانىن ايتتى.
– پرەزيدەنتٸمٸز قاسىم-جومارت توقاەۆ ەلٸمٸزدە بٸلٸم ساپاسىن ارتتىرۋعا ايرىقشا نازار اۋدارىپ كەلەدٸ. بۇل – «ەدٸلەتتٸ قازاقستاندى» قالىپتاستىرۋ جولىنداعى ماڭىزدى باعىتتاردىڭ بٸرٸ. بٷگٸن اشىلىپ وتىرعان «اباي ۇلتتىق مەكتەبٸنٸڭ» جاڭا دەڭگەيگە كٶتەرٸلۋٸ – وسى كەشەندٸ جۇمىستىڭ ناقتى نەتيجەسٸ, – دەدٸ سەنات تٶراعاسى.
ونىڭ ايتۋىنشا, تاريحى تەرەڭ بۇل بٸلٸم ورداسىنىڭ نەگٸزٸ 70 جىل بۇرىن قالانعان. العاشىندا قازاق تٸلٸ مەن ەدەبيەتٸن تەرەڭدەتٸپ وقىتۋعا باعىتتالعان مەكتەپ بٷگٸندە ۇلتتىق مەرتەبەگە يە زاماناۋي بٸلٸم بەرۋ ورتالىعىنا اينالىپ وتىر.
ال جۇلدىز سٷلەيمەنوۆا مەكتەپكە قاتىستى تاريحي ەدٸلەتتٸلٸك قالپىنا كەلتٸرٸلٸپ جاتقانىن اتاپ ٶتتٸ.
– 2023 جىلدان باستاپ مەملەكەت باسشىسى قاسىم-جومارت توقاەۆ ايقىنداعان «زاڭ جەنە تەرتٸپ» قاعيداتى اياسىندا مەكتەپتٸڭ بۇرىنعى تاۋدىڭ بٶكتەرٸندەگٸ تەرريتوريياسى قايتارىلىپ جاتىر. سوندىقتان اباي مەكتەبٸنە قاتىستى تاريحي ەدٸلەتتٸلٸك ورناپ جاتىر دەۋگە تولىق نەگٸز بار. بۇل – 900 بالاعا ارنالعان ٷلكەن كەشەن. سونىمەن بٸرگە بالالارعا ارنالعان ينتەرنات سالىنىپ جاتىر. الداعى كەزەڭدەردە جٷزۋ باسسەينٸ مەن زاماناۋي زەرتحانالار ٸسكە قوسىلادى, – دەدٸ مينيستر.
الماتى قالاسىنىڭ ەكٸمٸ دارحان ساتىبالدى ەلەۋمەتتٸك جەلٸدەگٸ پاراقشاسىندا بۇل جوبانىڭ مەگاپوليس ٷشٸن ەرەكشە ماڭىزعا يە ەكەنٸن اتاپ ٶتتٸ.
– بۇل جاي عانا جاڭا عيماراتتىڭ اشىلۋى ەمەس, بولاشاق ۇرپاقتىڭ بٸلٸمٸ, قۇندىلىقتارى مەن دٷنيەتانىمى قالىپتاساتىن زاماناۋي بٸلٸم بەرۋ ورتاسىن قۇرۋ. الماتى بٸلٸم بەرۋ سالاسىن دامىتۋعا ەرەكشە كٶڭٸل بٶلەدٸ. مۇنداي باستامالار جوعارى بٸلٸم ستاندارتتارىن قالىپتاستىرىپ, دارىندى جاستارعا جاڭا مٷمكٸندٸكتەر اشادى, – دەدٸ قالا ەكٸمٸ.
سونداي-اق ول مەكتەپتٸڭ پەداگوگيكالىق ۇجىمىنا العىس بٸلدٸرٸپ, سانالى ەرٸ جاۋاپكەرشٸلٸگٸ جوعارى ۇرپاق تەربيەلەۋدەگٸ ۇستازداردىڭ ەڭبەگٸن ەرەكشە اتاپ ٶتتٸ.
جيىن بارىسىندا مەكتەپتٸڭ ۇلتتىق قۇندىلىقتاردى زاماناۋي بٸلٸم بەرۋ جٷيەسٸمەن ۇشتاستىراتىن جاڭا ورتالىققا اينالاتىنى ايتىلدى. مۇندا وقۋشىلار تەك اكادەمييالىق بٸلٸم الىپ قانا قويماي, عىلىمي ٸزدەنٸسپەن, شىعارماشىلىقپەن جەنە تەحنولوگييالىق جوبالارمەن دە اينالىسا الادى.
قاتىسۋشىلاردىڭ پٸكٸرٸنشە, جاڭا كامپۋس دارىندى جاستاردىڭ ەلەۋەتٸن اشۋعا, ۇلتتىق رۋحاني قۇندىلىقتاردى دەرٸپتەۋگە جەنە ەلدٸڭ ينتەللەكتۋال بۋىنىن قالىپتاستىرۋعا زور ٷلەس قوسپاق.
