الماتىنىڭ تٷركسٸب اۋدانىندا 12 جاستاعى جاسٶسپٸرٸم پىشاق جاراقاتىن الىپ, قازا تاپتى, دەپ حابارلايدى dalanews.kz.
الدىن الا مەلٸمەت بويىنشا, قايعىلى وقيعا 10 ماۋسىم كٷنٸ بولعان. جانجال سالدارىنان كەمەلەتكە تولماعان بالا العان جاراقاتىنان كٶز جۇمعان.
قالالىق پوليتسييا دەپارتامەنتٸنٸڭ مەلٸمەتٸنشە, قىلمىس جاسادى دەگەن كٷدٸكپەن 13 جاستاعى الماتى تۇرعىنى ۇستالدى. بەلگٸلٸ بولعانداي, ول مارقۇممەن بۇرىننان تانىس بولعان.
پوليتسييا قىزمەتكەرلەرٸ كٷدٸكتٸنٸ جەدەل تٷردە انىقتاپ, ۇستاعان.
اتالعان فاكتٸ بويىنشا قىلمىستىق ٸس قوزعالىپ, تەرگەۋ امالدارى باستالدى. قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر.
سونىمەن قاتار قۇقىق قورعاۋ ورگاندارى كەمەلەتكە تولماعان كٷدٸكتٸنٸڭ اتا-اناسىنىڭ جاۋاپكەرشٸلٸگٸ مەسەلەسٸن دە قاراستىرۋدا. ەڭگٸمە بالانى تەربيەلەۋ جٶنٸندەگٸ مٸندەتتەردٸ تيٸسٸنشە ورىنداماۋ فاكتٸسٸ تۋرالى بولىپ وتىر.
