Almatynyń Túrksib aýdanynda 12 jastaǵy jasóspirim pyshaq jaraqatyn alyp, qaza tapty, dep habarlaidy dalanews.kz.
Aldyn ala málimet boiynsha, qaiǵyly oqiǵa 10 maýsym kúni bolǵan. Janjal saldarynan kámeletke tolmaǵan bala alǵan jaraqatynan kóz jumǵan.
Qalalyq politsiia departamentiniń málimetinshe, qylmys jasady degen kúdikpen 13 jastaǵy Almaty turǵyny ustaldy. Belgili bolǵandai, ol marqummen burynnan tanys bolǵan.
Politsiia qyzmetkerleri kúdiktini jedel túrde anyqtap, ustaǵan.
Atalǵan fakti boiynsha qylmystyq is qozǵalyp, tergeý amaldary bastaldy. Qazirgi ýaqytta oqiǵanyń barlyq mán-jaiy anyqtalyp jatyr.
Sonymen qatar quqyq qorǵaý organdary kámeletke tolmaǵan kúdiktiniń ata-anasynyń jaýapkershiligi máselesin de qarastyrýda. Áńgime balany tárbieleý jónindegi mindetterdi tiisinshe oryndamaý faktisi týraly bolyp otyr.
