الماتى قالاسىنىڭ تەرگەۋ سوتى رەسەي تاراپى ەكستراديتسييالاۋدى تالاپ ەتٸپ وتىرعان رەسەيلٸك بەلسەندٸ يۋلييا ەمەليانوۆانى 2027 جىلعى 28 اقپانعا دەيٸن قاماۋدا ۇستاۋ تۋرالى شەشٸم قابىلدادى. بۇل تۋرالى رەسەيدەگٸ سوعىسقا قارسى كوميتەت قۇرعان «كوۆچەگ» قۇقىق قورعاۋ جوباسى مەلٸمدەدٸ, دەپ حابارلايدى dalanews.kz.
يۋلييا ەمەليانوۆا – مارقۇم وپپوزيتسيونەر الەكسەي ناۆالنىيدىڭ سانكت-پەتەربۋرگتەگٸ شتابىنىڭ بۇرىنعى ەرٸكتٸسٸ. ول 2025 جىلعى 31 تامىزدا گرۋزييادان ۆەتنامعا بەت العان ساپارى كەزٸندە الماتى ەۋەجايىندا ۇستالعان بولاتىن.
بۇعان دەيٸن قازاقستان سوتتارى بەلسەندٸنٸڭ ساياسي باسپانا بەرۋ جٶنٸندەگٸ ٶتٸنٸشٸن قاناعاتتاندىرماي, ونى رەسەيگە ەكستراديتسييالاۋ تۋرالى شەشٸمدٸ قولداعان.
الايدا قورعاۋشىلار بۇل شەشٸممەن كەلٸسپەي, اپەللياتسييالىق شاعىم تٷسٸرگەن. سوعان بايلانىستى سوتتىڭ تٷپكٸلٸكتٸ شەشٸمٸ شىققانعا دەيٸن ەمەليانوۆانى ەكستراديتسييالاۋ رەسٸمٸ ۋاقىتشا توقتاتىلعان.
