Almaty qalasynyń tergeý soty Resei tarapy ekstraditsiialaýdy talap etip otyrǵan reseilik belsendi Iýliia Emelianovany 2027 jylǵy 28 aqpanǵa deiin qamaýda ustaý týraly sheshim qabyldady. Bul týraly Reseidegi Soǵysqa qarsy komitet qurǵan «Kovcheg» quqyq qorǵaý jobasy málimdedi, dep habarlaidy dalanews.kz.
Iýliia Emelianova – marqum oppozitsioner Aleksei Navalnyidyń Sankt-Peterbýrgtegi shtabynyń burynǵy eriktisi. Ol 2025 jylǵy 31 tamyzda Grýziiadan Vetnamǵa bet alǵan sapary kezinde Almaty áýejaiynda ustalǵan bolatyn.
Buǵan deiin Qazaqstan sottary belsendiniń saiasi baspana berý jónindegi ótinishin qanaǵattandyrmai, ony Reseige ekstraditsiialaý týraly sheshimdi qoldaǵan.
Alaida qorǵaýshylar bul sheshimmen kelispei, apelliatsiialyq shaǵym túsirgen. Soǵan bailanysty sottyń túpkilikti sheshimi shyqqanǵa deiin Emelianovany ekstraditsiialaý rásimi ýaqytsha toqtatylǵan.
