الماتىدا تٷن ٸشٸندە 102 پۋلتٸنە كٶشەدە پىشاق ۇستاعان بٸر توپ جاس جٷرگەنٸ تۋرالى حابارلاما تٷسكەن, دەپ حابارلايدى dalanews.kz.
وقيعا ورنىنا كەلگەن پوليتسييا قىزمەتكەرلەرٸ جانجال بارىسىندا بٸر جٸگٸت پىشاق جاراقاتىن العانىن انىقتاعان. ارادا بٸرنەشە مينۋت ٶتكەندە پوليتسييا قىزمەتكەرلەرٸ بٸردەن التى كٷدٸكتٸنٸ ۇستاعان. وقيعا اقساي شاعىناۋدانىندا بولعان.
"بوران-308" ەكيپاجى التى ادامدى ۇستادى. ولاردىڭ بولعان جاعدايعا قاتىسى بولۋى مٷمكٸن. كەيبٸرٸنٸڭ كيٸمٸنەن قانعا ۇقساس ٸزدەر انىقتالدى. سونداي-اق, تەرگەۋ ٷشٸن ماڭىزى بار زاتتار تەركٸلەندٸ. ۇستالعانداردىڭ بارلىعى تەرگەۋ امالدارىن جٷرگٸزۋ ٷشٸن ەۋەزوۆ اۋداندىق پوليتسييا باسقارماسىنا جەتكٸزٸلدٸ", - دەدٸ پوليتسييا.
قازٸر پوليتسييا قىزمەتكەرلەرٸ وقيعانىڭ تولىق حرونولوگيياسىن, جانجالدىڭ سەبەپتەرٸن, قاتىسۋشىلاردىڭ رٶلٸن انىقتاپ جاتىر. سوتقا دەيٸنگٸ تەرگەپ-تەكسەرۋ جالعاسىپ جاتىر.
