الماتى قالاسىندا كەلەسٸ جىلى مەكتەپتەردٸ سەيسميكالىق كٷشەيتۋ ارقىلى جاڭارتۋ جەنە جاڭعىرتۋ جۇمىستارى جالعاسادى. 2025-2027 جىلدارعا ارنالعان تيٸستٸ بيۋدجەت جوباسى الداعى مەسليحات سەسسيياسىندا قارالادى. بۇل تۋرالى قالالىق مەسليحاتتىڭ باسپاسٶز قىزمەتٸ حابارلادى.
ٷش جىلدىق بيۋدجەت جوباسىنا سەيكەس, 216 مەكتەپتٸ, 12 ينتەرنات مەكەمەسٸن, 20 كوللەدجدٸ قامتيتىن 344 مىڭ وقۋشىنىڭ بٸلٸم الۋىنا جاعداي جاساۋ ٷشٸن شامامەن 250 ملرد تەڭگە بٶلٸنۋ جوسپارلانىپ وتىر.
مەكتەپتەردٸ سەيسميكالىق كٷشەيتۋ ارقىلى جاڭعىرتۋ مەن جاڭارتۋ – قالالىق ەكٸمدٸكتٸڭ باستى باسىمدىعىنىڭ بٸرٸ. جاڭا ٷش جىلدىق بيۋدجەت قابىلدانعاننان كەيٸن مەگاپوليستە وقۋ ورىندارىن جوعارى ساپا ستاندارتتارىنا ساي جاڭعىرتۋ جۇمىستارى جالعاسادى.
مەملەكەت باسشىسىنىڭ سەيسميكالىق قاۋٸپسٸزدٸكتٸ قامتاماسىز ەتۋ جٶنٸندەگٸ تاپسىرمالارىن ورىنداۋ اياسىندا 2025 جىلى ٷش مەكتەپتٸڭ سەيسميكالىق كٷشەيتۋ جۇمىستارى اياقتالىپ, №50 مەكتەپ-ليتسەيٸ مەن ەۋەزوۆ, بوستاندىق جەنە مەدەۋ اۋداندارىنداعى جەتٸ بالاباقشادا كٷشەيتۋ جۇمىستارى باستالادى. بۇعان قوسا, كەلەسٸ جىلى زەردەلٸ جەنە شۇعىلا شاعىن اۋداندارىندا ەكٸ مەكتەپتٸڭ قۇرىلىسى اياقتالىپ, 12 مەكتەپ جاڭارتۋدان ٶتەدٸ. الماتىدا 2023-2024 جىلدارى 11 مەكتەپتٸڭ كٷردەلٸ جٶندەۋٸ سەيسميكالىق كٷشەيتۋ ارقىلى اياقتالدى.
سونداي-اق, كەلەسٸ جىلى مەگاپوليستە ۇلتتىق «جايلى مەكتەپ» جوباسى اياسىندا 24,2 مىڭ وقۋشى ورنىن قامتاماسىز ەتەتٸن 14 مەكتەپ پايدالانۋعا بەرٸلەدٸ. جاڭا وقۋ جىلىنا قاراي وقۋشى ورىندارىنىڭ تاپشىلىعى «تيٸستٸ» دەڭگەيگە – 3-4 مىڭ ورىنعا دەيٸن ازايادى.
قابىلدانعان شارالاردىڭ ارقاسىندا الماتىدا مەكتەپتەر بٸرتٸندەپ بٸر اۋىسىمدى وقۋ جٷيەسٸنە كٶشۋدە. كەلەسٸ وقۋ جىلىنا قاراي 200-دەن استام مەملەكەتتٸك مەكتەپتٸڭ 43-ٸ بٸر اۋىسىمدى وقۋ فورماتىنا كٶشەدٸ (كٶرسەتكٸش 12,5%-دان 18,4%-عا دەيٸن ٶسەدٸ).
قالالىق مەكتەپتەردٸڭ ينفراقۇرىلىمىن جاڭعىرتۋ مەن دامىتۋعا ٷلكەن كٶڭٸل بٶلٸنۋدە. بيىل 89 مەكتەپكە جاڭا ٷلگٸدەگٸ 168 كابينەت ساتىپ الىندى. بۇل مەكتەپتەردٸڭ قازٸرگٸ زامانعى پەندٸك كابينەتتەرمەن جابدىقتالۋ دەڭگەيٸن 86,3%-عا جەتكٸزدٸ.
2025 جىلى وربيتا-3, التىن-بەسٸك, قۇرامىس, شۇعىلا جەنە №10 شاعىن اۋداندارىندا 5 بالاباقشانىڭ قۇرىلىسىن جالعاستىرۋ مەن جاڭارتۋعا قارجى بٶلۋ جوسپارلانىپ وتىر. بۇل مەملەكەت باسشىسىنىڭ 2025 جىلعا دەيٸن 3 پەن 6 جاس ارالىعىنداعى بالالاردى 97% مەكتەپكە دەيٸنگٸ بٸلٸممەن قامتۋ جٶنٸندەگٸ تاپسىرماسىن جٷزەگە اسىرۋ اياسىندا قولعا الىنادى.
سونىمەن بٸرگە, كەلەسٸ جىلى قاراعايلى, دارحان جەنە نۇركەنت شاعىن اۋداندارىندا 3 بالاباقشا سالۋ جوسپارلانۋدا. وسى قۇرىلىس جۇمىستارى اياقتالعاننان كەيٸن 2 280 بالا بالاباقشاعا بارۋعا مٷمكٸندٸك الادى, بۇل شاھاردا بٸلٸم بەرۋ مەن ەرتە دامۋدىڭ ساپاسىن ايتارلىقتاي ارتتىرادى.
