الماتىلىقتار لەنين اتاۋىمەن اشىلعان Lenin36 اتتى مەيرامحانانىڭ اشىلۋىنا قارسى شىقتى, دەپ حابارلايدى dalanews.kz.
Threads ەلەۋمەتتٸك جەلٸسٸندە مەيرامحانا اتاۋىنا قاتىستى داۋ تۋدى.
«دوستىق 36 مەكەنجايىندا جاڭا مەيرامحانا اشىلىپ جاتىر. اتاۋى Lenina 36. بۇل – سەتسٸز اتاۋ, دەپ ەسەپتەيمٸن. بٸرەۋ بۇل داڭعىلدان لەنيننٸڭ باياعىدا-اق “كٶشٸپ كەتكەنٸن” بٸلمەيتٸن سيياقتى», — دەپ جازدى Threads قولدانۋشىسى erdentakenov.
"لەنين بٸزگە ەشكٸم ەمەس! الماتىدا جۋىردا “Lenina 36” دەپ اتالاتىن كافە اشىلادى ەكەن. بۇل جاي عانا اتاۋ ەمەس, تاريحي ساناعا جاسالعان اشىق پروۆوكاتسييا. قازاقستان ٶز تەۋەلسٸز جولىن ايقىنداپ, وتارسىزدانۋعا ۇمتىلىپ جاتقاندا, لەنين ەسٸمٸن قايتادان جارنامالاپ, بيزنەسكە قۇرال ەتۋ ارتقا شەگٸنۋ, ٶتكەندٸ رومانتيزاتسييالاۋدىڭ كٶرٸنٸسٸ دەپ ەسەپتەيمٸن. 2GIS-تەگٸ پاراقشاسىندا پٸكٸر قالدىرىپ, كافە اتاۋىن ٶزگەرتۋدٸ تالاپ ەتەيٸك!".
ودان بٶلەك, قازاقستاندىقتار 2GIS قوسىمشاسىندا مەيرامحانانىڭ رەيتينگٸن تٷسٸرۋگە تىرىسىپ جاتىر. ال ەندٸ بٸرٸ كەرٸسٸنشە كەسٸپكەردٸ قولداپ 5 بالل قويىپ جاتىر.
