الماتى قالاسىنىڭ 44 جاستاعى تۇرعىنى تەمىرجول ۆوكزالدارىندا جارىلعىش زات قويىلعانى تۋرالى بىرنەشە جالعان حابار بەرگەنى ءۇشىن 4 جىلعا باس بوستاندىعىنان ايىرىلدى. ول جازاسىن وتەۋ بارىسىندا ءتورت رەت تاكسوفون ارقىلى قوڭىراۋ شالىپ، جارىلعىش زات قويىلعانى جايلى حابارلاعان.
ونىڭ ارەكەتتەرى ەۆاكۋاسيا مەن توتەنشە قىزمەتتەردىڭ جۇمىلدىرىلۋىنا سەبەپ بولدى. جالعان دابىلدىڭ سالدارىنان مەملەكەتتىك ورگاندارعا كەلتىرىلگەن شىعىن 3،3 ملن تەڭگەدەن استى.
جۇرگىزىلگەن ساراپتامالار قوڭىراۋ شالعان ادامنىڭ جەكە باسىن جانە ونىڭ سوزدەرىندە تىكەلەي ءقاۋىپتىڭ بولعانىن راستادى.
سوت ەر ادامدى قازاقستان رەسپۋبليكاسى قىلمىستىق كودەكسىنىڭ 273-بابى بويىنشا كىنالى دەپ تانىدى.
سوتتالۋشى مەملەكەتكە كەلتىرىلگەن شىعىندى وتەۋگە جانە وتەماقى تولەۋگە مىندەتتى.
كولىك پروكۋراتۋراسى مۇنداي قىلمىستار قوعامدىق قاۋىپسىزدىككە ءقاۋىپ ءتوندىرىپ، اۋىر سالدارعا اكەلەتىنىن ەسكەرتەدى.
