الماتىلىق وقۋشى حافيز نۇرقاسىم حالىقارالىق وليمپيادانىڭ ابسوليۋتتىك چەمپيونى اتاندى
Dalanews
11 تام. 2023 10:25
578
مالايزيا ەلىندە 6-9 تامىز ارالىعىندا 45 ەلدىڭ دارىندى وقۋشىلارىنىڭ باسىن قوسقان «AIMO-2023» حالىقارالىق ماتەماتيكالىق وليمپياداسىندا الماتى قالاسىنداعى حيميا-بيولوگيا باعىتىنداعى ءنزم-نىڭ 11-سىنىپ وقۋشىسى حافيز نۇرقاسىم التىن مەدال يەلەنىپ ءابسوليۋتتى چەمپيون اتاعىنا يە بولدى. سالتاناتتى ماراپاتتاۋ راسىمىندە زياتكەر قازاقستاننىڭ تۋىن كوككە جەلبىرەتتى.
نۇرقاسىم جىلدا الەمنىڭ جاس ماتەماتيكتەرى باس قوساتىن ءبىلىم دوداسىنىڭ جەڭىس تۇعىرىن العاش رەت باعىندىرۋى ەمەس. زياتكەردىڭ قورجىنىندا حالىقارالىق امەريكاندىق ماتەماتيكالىق وليمپياداسىنىڭ التىنى MAA AMC (2021)، AIMO گونكونگتا كۇمىسى (2022) جانە MMA AMC (2022) قولا مەدالى.
دارىندى وقۋشى وسى اتاۋلى جەڭىسىمەن قاتار وسى جازدا ءىرى ورتتەر كەزىندە ادام ءومىرىن قورعاۋعا باعىتتالعان «ءورت ءسوندىرۋدىڭ اقىلدى جۇيەسى» ونەرتابىسىنىڭ اۆتورى رەتىندە پاتەنت العان بولاتىن
