الماتىداعى لاي كوشكىنىندە 17 جاستاعى بالا ءولى تابىلدى. بۇل تۋرالى مەدەۋ اۋدانىنىڭ اكىمى مالىمدەدى، - دەپ حابارلايدى Dalanews.kz.

"قازىرگى جاعداي اپات بولعان جەرلەردىڭ ءبارىن تازارتىپ جاتىرمىز. 1-2 ساعاتتا اپاتقا ۇشىراعان ءۇيدى تولىعىمەن تازالاپ، سوسىن جوعارى جاقتى قالعان ءبىر تۇسىرەتىن جەرلەر بار. سوعان قاتىستى جۇمىستار اتقارىلاتىن بولادى. كەشكە دەيىن كوميسسيا جۇمىسىن اتقارادى. قانداي ءقاۋىپ بار، قوسىمشا جەرلەردى انىقتاپ، تيەسىلى شەشىمدەرىن كەشكە دەيىن ءبارىن سىزدەرگە جەتكىزەمىز"، - دەيدى ول.

سونىمەن قاتار، اۋدان اكىمى ءبىر ادامنىڭ ءمايىتى تابىلعانىن جەتكىزدى.

"شىنىمەن دە، ونداي اقپارات بار. ەكى بالا اۋدانداعى 8-مەكتەپتە وقىعان بولاتىن. 16 جاستاعى بالالار. مەكتەپ ديرەكتورى وسىندا. بۇگىن مەكتەپكە كەلمەدى. اناسىمەن، وگەي اكەسىمەن. ءقازىر ءبىر ادام تابىلدى. قالعاندارىن ىزدەستىرۋ جۇمىستارى جالعاستىرىپ جاتىر"، - دەدى اكىم.

تجم مالىمەتىنشە، الماتى قالاسى تجد جانە رەسپۋبليكالىق جەدەل-قۇتقارۋ جاساعىنىڭ كۇشتەرىمەن الدىن الا اقپارات بويىنشا توپىراقتىڭ باتپاقتانۋىنا بايلانىستى تەحنوگەندىك سيپاتتاعى جىلجىمانىڭ ءتۇسۋى سالدارىنان عيماراتتىڭ زاقىمدانۋى سەبەبىنەن قازا تاپقان الدىن الا بولجام بويىنشا 2007 جىلعى جىگىتتىڭ دەنەسى تابىلدى.