Almatydaǵy laı kóshkininde 17 jastaǵy bala óli tabyldy. Bul týraly Medeý aýdanynyń ákimi málimdedi, - dep habarlaıdy Dalanews.kz.

"Qazirgi jaǵdaı apat bolǵan jerlerdiń bárin tazartyp jatyrmyz. 1-2 saǵatta apatqa ushyraǵan úıdi tolyǵymen tazalap, sosyn joǵary jaqty qalǵan bir túsiretin jerler bar. Soǵan qatysty jumystar atqarylatyn bolady. Keshke deıin komısıa jumysyn atqarady. Qandaı qaýip bar, qosymsha jerlerdi anyqtap, tıesili sheshimderin keshke deıin bárin sizderge jetkizemiz", - deıdi ol.

Sonymen qatar, aýdan ákimi bir adamnyń máıiti tabylǵanyn jetkizdi.

"Shynymen de, ondaı aqparat bar. Eki bala aýdandaǵy 8-mektepte oqyǵan bolatyn. 16 jastaǵy balalar. Mektep dırektory osynda. Búgin mektepke kelmedi. Anasymen, ógeı ákesimen. Qazir bir adam tabyldy. Qalǵandaryn izdestirý jumystary jalǵastyryp jatyr", - dedi ákim.

TJM málimetinshe, Almaty qalasy TJD jáne Respýblıkalyq jedel-qutqarý jasaǵynyń kúshterimen aldyn ala aqparat boıynsha topyraqtyń batpaqtanýyna baılanysty tehnogendik sıpattaǵy jyljymanyń túsýi saldarynan ǵımarattyń zaqymdanýy sebebinen qaza tapqan aldyn ala boljam boıynsha 2007 jylǵy jigittiń denesi tabyldy.