الماتىداعى كار سيتي كەشەنىندە بىرنەشە ادام جاپپاي ۇستالدى، دەپ حابارلايدى Dalanews.kz.
رەيد بارىسىندا رۇقسات ەتىلمەگەن ساۋدا جاساۋ، ازاماتتارعا ءتيىسىپ مازاسىن الۋ، جۇمىس ورىندارىندا جانە تەحنيكالىق قىزمەت كورسەتۋ ستانسيالارىندا تەمەكى شەگۋ، قوقىس پەن كولىك بولشەكتەرىن رۇقسات ەتىلمەگەن جەرلەردە ساقتاۋ دەرەكتەرى انىقتالعان.
38 ادام اكىمشىلىك جاۋاپكەرشىلىككە تارتىلعان. پوليسياعا 39 ادام جەتكىزىلگەن، ولاردىڭ اراسىندا تورتەۋى - شەتەل ازاماتتارى. سونداي-اق، اتا-اناسىنىڭ رۇقساتىنسىز جۇمىس ىستەگەن كامەلەتكە تولماعاندار بار.
كولىكتى رۇقسات ەتىلمەگەن جەرلەرگە قويىپ كەتكەنى ءۇشىن 27 جۇرگىزۋشى جاۋاپكەرشىلىككە تارتىلدى، 9 كولىك ايىپپۇل تۇراعىنا قويىلعان.
"الماتى پوليسياسى كوشەلەردە، حالىق كوپ جينالاتىن جەرلەردە جانە اۋدانداردا قاۋىپسىزدىك پەن جايلىلىقتى قامتاماسىز ەتۋ ءۇشىن كۇن سايىن شارا قابىلدايدى. كەز كەلگەن قۇقىقبۇزۋشىلىققا جول بەرىلمەيدى، ال كىنالىلەر جاۋاپقا تارتىلادى"، - دەدى اۋەزوۆ اۋداندىق پوليسيا باسقارماسىنىڭ باستىعى دانيار مەندەبايەۆ.
