Almatydaǵy Kar siti kesheninde birneshe adam jappai ustaldy, dep habarlaidy Dalanews.kz.
Reid barysynda ruqsat etilmegen saýda jasaý, azamattarǵa tiisip mazasyn alý, jumys oryndarynda jáne tehnikalyq qyzmet kórsetý stantsiialarynda temeki shegý, qoqys pen kólik bólshekterin ruqsat etilmegen jerlerde saqtaý derekteri anyqtalǵan.
38 adam ákimshilik jaýapkershilikke tartylǵan. Politsiiaǵa 39 adam jetkizilgen, olardyń arasynda tórteýi - shetel azamattary. Sondai-aq, ata-anasynyń ruqsatynsyz jumys istegen kámeletke tolmaǵandar bar.
Kólikti ruqsat etilmegen jerlerge qoiyp ketkeni úshin 27 júrgizýshi jaýapkershilikke tartyldy, 9 kólik aiyppul turaǵyna qoiylǵan.
"Almaty politsiiasy kóshelerde, halyq kóp jinalatyn jerlerde jáne aýdandarda qaýipsizdik pen jailylyqty qamtamasyz etý úshin kún saiyn shara qabyldaidy. Kez kelgen quqyqbuzýshylyqqa jol berilmeidi, al kináliler jaýapqa tartylady", - dedi Áýezov aýdandyq politsiia basqarmasynyń bastyǵy Daniiar Mendebaev.
