الماتى قالاسىنىڭ باعاناشىل شاعىناۋدانىندا ورنالاسقان بالالار ءۇيىنىڭ بىرنەشە عيماراتى تولىقتاي بۇزىلدى. اتاپ ايتقاندا، اكىمشىلىك جانە وقۋ كورپۋستارى، سونداي-اق سپورت جانە اكت زالدارى اپاتتى دەپ تانىلىپ، سۇرۋگە جاتقىزىلعان، دەپ حابارلايدى Dalanews.kz.
الماتى قالالىق اكىمدىگىنىڭ باسپا ءسوز قىزمەتى مالىمەتىنشە، 2025 جىلعى 13 قازاندا «Integra Construction» ج ش س مەن قالالىق قۇرىلىس باسقارماسى اراسىندا جاڭا نىساندى جوبالاۋ بويىنشا ىنتىماقتاستىق تۋرالى مەموراندۋم جاسالعان.
تەحنيكالىق تەكسەرۋ ناتيجەسىندە اتالعان عيماراتتاردى سەيسميكالىق تۇرعىدا كۇشەيتۋ مۇمكىن ەمەس ەكەنى انىقتالعان. وسىعان بايلانىستى ولاردى تولىق بۇزۋ تۋرالى شەشىم قابىلدانعان. قازىرگى ۋاقىتتا بۇل نىسانداردى دەمونتاجداۋ جۇمىستارى اياقتالعان.
جوبا اياسىندا بالالار ءۇيىنىڭ جاتىن كورپۋسى قايتا جاڭعىرتىلىپ، جاڭا وقۋ، اكىمشىلىك، سپورت عيماراتتارى مەن اسحانا سالۋ كوزدەلگەن.
قۇرىلىس جۇمىستارىن وسى جىلدىڭ ءتورتىنشى توقسانىندا اياقتاۋ جوسپارلانىپ وتىر.
