Almaty qalasynyń Baǵanashyl shaǵynaýdanynda ornalasqan balalar úiiniń birneshe ǵimaraty tolyqtai buzyldy. Atap aitqanda, ákimshilik jáne oqý korpýstary, sondai-aq sport jáne akt zaldary apatty dep tanylyp, súrýge jatqyzylǵan, dep habarlaidy Dalanews.kz.
Almaty qalalyq ákimdiginiń baspasóz qyzmeti málimetinshe, 2025 jylǵy 13 qazanda «Integra Construction» JShS men qalalyq qurylys basqarmasy arasynda jańa nysandy jobalaý boiynsha yntymaqtastyq týraly memorandým jasalǵan.
Tehnikalyq tekserý nátijesinde atalǵan ǵimarattardy seismikalyq turǵyda kúsheitý múmkin emes ekeni anyqtalǵan. Osyǵan bailanysty olardy tolyq buzý týraly sheshim qabyldanǵan. Qazirgi ýaqytta bul nysandardy demontajdaý jumystary aiaqtalǵan.
Joba aiasynda balalar úiiniń jatyn korpýsy qaita jańǵyrtylyp, jańa oqý, ákimshilik, sport ǵimarattary men ashana salý kózdelgen.
Qurylys jumystaryn osy jyldyń tórtinshi toqsanynda aiaqtaý josparlanyp otyr.
